زبدةالاشعار

اگر یکتا پرست اولسا بشر غیر از خدا گورمز #حضرت_رقیه_معروف_اهری

آمدن دختر یزید به خرابه
.
✍️ #زبدةالاشعار ✍️
.
🆔: @nohe_torki
.
ابوالفضل عباسی معروفان
.
.
اگر یکتا پرست اولسا بشر غیر از خدا گورمز
خدادن غیره باش اگمز غرورین زیر پا گورمز
.
گیدر دایم وقاریلن صراط مستقیم اوسته
دیلیندن غیر حق چخماز الیندن بیر خطا گورمز
.
گناهه اولماز آلوده ائدر شیطانی زندانی
هوای نفسده روحین اسیر و مبتلا گورمز
.
وفا یوخ عمر انساندا بو دنیا ملکی فانیدی
نکونام اولسا هر انسان تاپار عزت فنا گورمز
.
خدا اعماله ناظردی نه ائتسون ثبت اولور بی شک
خطادن احتذار ایله دئمه سر و خفا گورمز
.
اصول دینه قائلسن فروع الدیندن چخما
که اصل و فرع احکامین موحدلر سوا گورمز
.
زکات و خمسی فک ائتمه تولی و تبری دن
معاد و عدلی هر عاقل نبوتدن جدا گورمز
.
نماز احکامه سرمددی سفارش ایلیوب سبحان
باشون بش وعده معبوده اگن فقر و بلا گورمز
.
اگر یوز ئیل عزا دوتسان حسینیم وای دئسن دائم
نمازین اولماسا الله ئوزون سندن رضا گورمز
.
نمازین قیل ولی سعی ائت نمازین بی ریا اولسون
مزور شخص عمروندن مسلمدور صفا گورمز
.
حسینون نهضتی امر بمعروف اوسته برپادی
اسیر و نوکر منکر یقین راه رجا گورمز
.
اوشاق دوز تربیت اولسا ئولر ایری یولا گتمز
گرفتار عذاب اولماز قضادن ابتلا گورمز
.
اگر آغوش مادرده محبت گؤرسه اولادی
اتاق سالمنداندا ئوزون هیچ بیر آنا گورمز
.
حجابین کشف ایدور بعضی خانملار کوی و معبرده
کانه جنس و کالادی ولی قدر و بها گورمز
.
بو نسوان هوسبازین وجود ننگبارینده
حیا آیینه دار اولسا جمالین بی حیا گورمز
.
حیا دریاسی زینبدی آلیب سرمشق زهرادن
بئله بیر گوهرین عالم مثالین مطلقا گورمز
.
قولوندان قمچلر ئوپدی الیندن وئرمدی معجر
بویوردی دخت زهرایم یوزوم خصم دغا گورمز
.
حجاب آیتدی قرآندان گرک تکریم اولا قرآن
سرشت پاک و بی نقصیم حقیقتدور ریا گورمز
.
بلی زینب بو فکریلن علم شاماته نصب ائتدی
او پرچم شانلی بیرقدی نماسین بدنما گورمز
.
اولوب استاد بی همتا آچوب دانشگه عفت
یازیل بو مکتبه هرکس گل واویلتا گورمز
.
آدین یازدیردی زهرای سه ساله مکتب عشقه
دئدی عمم کیمین هیچ بیر محصل رهنما گورمز
.
وئروبدور تربیت استاد اولوب شاگردی علامه
او اندازه شرفلندی وقاری انتها گورمز
.
یئتیشدی امتحان وقتی او شاگرد سرافرازه
ائله بیر امتحان وئردی خلل یا ناسزا گورمز
.
یزیدین دخت ناپاکی یولون ویرانیه سالدی
او قیز که هئچ کسی شان و مقامیندن اوجا گورمز
.
گلوب دیل یاره سی وورسون اسیر محنت و درده
مسلمدور زنازاده محبتدن عطا گورمز
.
دوتوب یوز دخت سلطانه دئدی ای مبتلا کیمسن؟
یوزونده گرد محنت وار لباسین خوش نما گورمز
.
اولور معلوم حالیندن ووران یوخ زلفوه شانه
نه گوشوارون نه بیر زیور ملالین انتها گورمز
.
یزیده نور عینم من کنیزیم وار غلامیم وار
سنون دور و برین خالی رفیق و آشنا گورمز
.
یوزون دریای محنتدی یتیمه اوخشوسان گؤزدن
گؤزون حتما نه مدتدور نه قارداش نه آتا گورمز
.
بو سؤزلر تیر مثلینده رقیه قلبینی بولدی
سه ساله قهرمان دخت یزیدی همصدا گورمز
.
ولی سئندیرمادی اصلا وقار آل طاهانی
یئریندن شیر تک دوردی حریفیندن ابا گورمز
.
ائله دندان شکن پاسخ وئذوب فرزند شیطانه
دوشوبدور لرزیه جانی فراری رهگشا گورمز
.
دئدی ای آل سفیانین صغیره نسلی آگاه اول
جهاندا ذلت و خواری عیال مرتضی گورمز
.
بئله فکر ایلوسن آیا آتان سلطان عالمدی
و لیکن ملک دنیانین وفاسین اشقیا گورمز
.
اگر ویران نشینم من یزیدین ظلمی باعثدی
و گرنه دختر سلطان یئرین ویرانسرا گورمز
.
آتام سلطان مطلقدی یزید انکار ائدیب حقون
اونون دلبندینی آخر چکیبدور گؤر هارا گورمز
.
دیورسن قصریمیز واردی گجه گوندوز چراغاندی
ولی دور زمان دؤنسه جلالوز انجلا گورمز
.
او قصرین پایه سین بیر گون منیم آهیم خراب ایلر
اولار آباد ویرانه سیزون قصریز بقا گورمز
.
او کسلر که باشین اگدی یزیده جان نثار اولدی
حسینه اقتدا ائتسه یزیدی مقتدا گورمز
.
منه دیل یاره سی ووردون سئنق قلبیم کباب اولدی
بو بیجا سوزلرین الحق جوابه فتح باب اولدی
.
سبب اولدون دل زار و پریشانه کدر گلسون
ئورک یانسون شماتتدن یانان قلبه شرر گلسون
.
پریشان زلفومی گؤردون دئدین شاید یتیمم من
اودور دیل طعنیه آچدین اوخ اوستن نیشتر گلسون
.
عزیزم هم آتام هم قارداشیم هم ائللریم واردی
بلا دشتینده صبر ایله باشا چاتسون سفر گلسون
.
وفالی قارداشیم واردی گؤزوندن باجیسون آتماز
بو گونده گلمسه اکبر امیدیم وار سحر گلسون
.
اوجا بوی بیر عموم واردی اوزون قوللارینه قربان
چکر زنجیره کفاری سیزون نسلوز کسر گلسون
.
بابا عهد ایلیوب گلسون خرابه منزله بیر گون
قرار اولدی بو دیداری منه وئرسون خبر گلسون
.
بابام هر بیر یئره گئتسه اولار عباس علمداری
چکیل ای ابر شرم آور او شمسیله قمر گلسون
.
الینده اکبریم حتما ایدوب گوشواره آماده
اونی روی گشادیلن منه تقدیم ائدر گلسون
.
علی اکبر آلان هدیه منی چوخ سرفراز ایلر
ئوزوندن چوخ دئمه اکبر سنی خوار ایلیر گلسون
.
گؤررسن من ذلیلم یا سنون تک شوم بد فطرت
یزیدین عزت عمری یقین گؤزدن دوشر گلسون
.
غریبه طعنه وورمازلار غریبونده وار اللهی
بو بی حرمتلیقون بیر گون جوابین حق ویرر گلسون

متن پیشنهادی:  منم سرمست جام عشق و طاعت یابن مرجانه #مصیبی_تبریزی

.
#حضرت_رقیه_شهادت
#اگر_یکتا_پرست_اولسا_بشر_غیر_از_خدا_گورمز
#حضرت_رقیه_معروف_اهری
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی