ایاقه دور شام شومیدن گلدی کاروان قارداش #اربعین_سیدبشیرحسینی

اربعین
.
✍️ زبدة الاشعار ✍️
.
🆔: @nohe_torki
.
سید بشیر حسینی میانجی
.
ایاقه دور شام شومیدن
گلدی کاروان قارداش!
اولوبدور قرخ گونده غصّه دن
قامتیم کمان قارداش!
.
آه و الامان قارداش! (2)
.
.
.
.
آییردیلار تا بیزی سندن
باغلادیلا قولاّری
جفا تیشه سیله طوبادن
سیندیروبلا خولاّری
قولی باغلیلار یانایانا
طیّ ائدوبله یولاّری
رقیه نی ناقه اوستوندن
سالدی ساربان قارداش!
آه و الامان قارداش!
.
.
.
.
او اوچ یاشدا قیز نه لر چکدی
بیلمورم او چوللرده
الین قویوبدور باشا یقین
چون یوخیدی معجرده
دیه بیلّم دادینه گلدی
حضرت پیمبرده
گلوب معناده اونا مونس
باغری قان آنان قارداش!
آه و الامان قارداش!
.
.
.
.
یادیمدادی سؤیله دون منه
سن گئدنده میدانه
(خداحافظ ای آنام باجی
آغلاما یانایانه)
(رقیه می ساخلا من گئدوم
جلوه گاه جانانه)
اونی ساخلادیم قوجاقیمده
ایله بیل کی جان قارداش!
آه و الامان قارداش!
.
.
.
.
یتوردوم شامه کیمی امّا
آغلیوردی صبح و شام
دئدیم گله جاق آتان حسین
آغلاما عزیز بالام
نقدری ائتدی بهانه من
ایله دیم اونی آرام
گئجه یاری قانلی باشیوی
گوردی وئردی جان قارداش!
آه و الامان قارداش!
.
.
.
.
قالان قیزلاری گتورموشم
قبرون اوسته من یاسه
باخ امّ کلثومه گور نئجه
اوخشویور گل یاسه
چکوب چوخ غم آغلیوب هردم
هم سنه هم عبّاسه
اودا شهر کوفه ده خطبه
ایله دی بیان قارداش!
آه و الامان قارداش!
.
.
.
.
«بشیر»ی دعوت ائله هر ایل
قبریوه اولا زائر
سنه نوکردی منه غلام
عشقیله اولوب شاعر
دِلیمجه یازسین او، اوخوسون
کربلاده هر ذاکر
ایاقه دور شام شومیدن
گلدی کاروان قارداش!
آه و الامان قارداش!
.
.
.
#سبک_خداحافظ_ای_آنام_باجی … 3 سبک
.
.
#اربعین
#ایاقه_دور_شام_شومیدن
#سیدبشیرحسینی
#ترکی
.
✍️ #زبدةالاشعار ✍️
.
🆔: @nohe_torki