ایتمه بیله داد وفغان اصغریم #اصغریه_هوشی_تبریزی

زبانحال حضرت رباب علیها سلام
.
✍️ #زبدةالاشعار ✍️
.
🆔: @nohe_torki
.
.
مرحوم غلامعلی باقری الهامی (هوشی تبریزی)
.
ایتمه بیله داد وفغان اصغریم
آغلاما سن آزمنی یاندوراوغول
کاش اُله بو بیکس آنان اصغریم
آغلاما سن آزمنی یاندور اوغول
.
آغلاما ای میوۀ باغ دلیم
گلمه بیله شیونه ای بلبلیم
آغلیوب آغلاتما منی سوگلیم
یوخ غمیوه منده توان اصغریم
.
باغ وفایه گل نورسته سن
خارجفادن ولی دلخسته سن
نارغمه ایتمه منی بسته سن
ایلمه چوخ باغریمی قان اصغریم
.
سوزعطشدن یانوسان سن بالا
نیلیوم آخرعلی من بینوا
سویولونی باغلیوب اهل جفا
منده سویا یوخدی گمان اصغریم
.
وارنه سبب ابرکیمی دولموسان
جانه دویوب محوملال اولموسان
غنچه لیقونداسارالوب سولموسان
ای گل گلزار جنان اصغریم
.
آغلاما باخدوقجا علی من سنه
حالیوه یانام گلرم شیونه
قورخورام آخرعلی اولسون منه
حشره کیمی ورد زبان اصغریم
.
سانما بیله تک یانوسان سن بالا
جمله یانورسنکیمی اهل خیام
الده سوجامی بالا قیزلارتمام
آغلورایدوراشک روان اصغریم
.
سانما آنان دردیوی آسان سانار
حالیمی اهل دل اولان تیز قانار
سن بیرآنان لیک ایکی اوددا یانار
گورنجه ایلوبدی توان اصغریم
.
آغلاما ای برج وفااختری
آغلیوب آغلاتما من مضطری
آغلاما سن آغلالیه واردوریری
حالیوه گراهل جهان اصغریم
.
گلشن اولار نه بیله گلشن کیمی
نه سولی بیرغنچه علی سن کیمی
نه تاپولار بلبل اولامن کیمی
نه بوبهاروبوخزان اصغریم
.
ای غمی یکسرقویان آفاقی مات
سنله علی حلّ اولی هرمشکلات
ایسته خدا(هوشیه) ویرسین نجات
ضیقه سالوب دورزمان اصغریم
.
.
.
#اصغریه_هوشی_تبریزی
#اصغریه_شهادت
#ایتمه_بیله_داد_و_فغان_اصغریم
#ترکی
.
✍️ #زبدةالاشعار ✍️
.
🆔: @nohe_torki