عزم میدان حضرت علی اکبر(ع)
گریز به بالین شاهزاده
.
✍️ #زبدةالاشعار ✍️
.
🆔: @nohe_torki
.
مرحوم خادم
.
ایدنده اکبری اعزام کارزاره حسین
توکوب سرشکینی یوز دوتدی کردگاره حسین
.
دیدی الهی اوزون شاهد اول بو قومه طرف
بو نوجوانی که گوندردی کارزاره حسین
.
سنون پیمبروه خلق و خلقیده بنزر
گیدیر قلج دمنه تاپمور اوزگه چاره حسین
.
هر اول زمان که اولوردی پیمبره مشتاق
بو نوجوانه ایدردی او دم نظاره حسین
.
تاپاردی تسلیت دل نظاره ایتدوقجه
بو ماه منظر و بو سرو گلعذاره حسین
.
غبار اگلنه بیر لحظه راضی اولماز دی
بو زلف و کاکل و پرچین و تابداره حسین
.
ایدوبله امرینی بو چولده بیر یره منجر
بو عرصه گهده دوشوب سخت بیر فشاره حسین
.
جفائیله بویانوب قانه یار و انصاری
سنون یولوندا ویروب نچه ماه پاره حسین
.
نثار ایتماقا کوی وفاده ایمدی فقط
گوزین تیکوبدی همین درّ شاهواره حسین
.
گوزی باخا باخا یولّار قلجلارین دمینه
بولور که صاق گوره بولمز اونی دوباره حسین
.
ولیک سن بولوسن راضیم بو امره اوزوم
تیکوب امید بیر امّید استواره حسین
.
تمام قصد و مرامیم نجات امّندور
گلوب او قصدیله بو دشت و بو دیاره حسین
.
غرض امیدینی کسدی اودم حیاتیندن
اورک گوزیله باخوب چون مآل کاره حسین
.
عزیز جاننی سالدی یولا وئروب رخصت
سرشک دیدۀ خونین و اشکباره حسین
.
اورک باشندا الی منتهای یأسیله
باخاردی مشی ایلدوقجه او راهواره حسین
.
توگردی اشک بصر سو سپردی پی در پی
شرار نایرۀ قلب پر شراره حسسین
.
قایتدی خیمه قباقینده منتظر دایانوب
خدا بولور نجه دوزدی بو انتظاره حسین
.
او قدر گچمدی گوردی اوغول صداسی گلور
صف قتاله یتوردی اوزین سواره حسین
.
گزردی رزمگهی آختاراردی اوز گُلنی
سنان قنادلاری اوخشاردی بیر هزاره حسین
.
یتیشدی بیر یره تاپدی او پارۀ جگرین
باخوب نگوردی دوشوب یرده پاره پاره حسین
.
یارالانوب دل مجروحی تا نظر سالدى
او گل بدنده جراحات بیشماره حسین
.
گوروب که لُجّۀ موت ایچره ال ایاق چالوری
دوشوب یازولّا اوزی حال احتضاره حسین
.
نه صبر توسنی اولدی او شاه بیکسه رام
نه مالک اولدی اوزی صبر و اختیاره حسین
.
سالوب اوزین یره بی اختیار مرکبدن
قیامه اولمادی قادر داخی دوباره حسین
.
او حالیله یوزی اوسته سوروندی نچه قدم
اوزین یتوردی او آهوی زخمداره حسین
.
یتیشدی تا سر بالینینه گوتوردی ازل
یارالی باشینی بیردن آلوب کناره حسین
.
یانان اورکدن ایله صیحه چکدی واولدا
او صیحه دن سالوب افلاکه بیر شراره حسین
.
دوشوب تحیّره سکّان عالم ملکوت
ولیک دوزدی همین وضع ناگواره حسین
.
یوزین قویوبه یوزینه قلبی اولمادی آرام
گتوردی گیزلین اولان مهری آشکاره حسین
.
اوپردی گل کیمی زخمین ایدردی جسمیندن
جفا الیله دگن اوخلاری کناره حسین
.
سیلردی دیشلرینین قاننی جگر قانین
توکردی صفحۀ رخساره چون ستاره حسین
.
آتاردی گوگلره قانین هدیه قصدیلن
بولوب لیاقتی وار محضر نگاره حسین
.
بو شاهزادیه « خادم» او کس که خدمت ایده
یقین اونی یتورر عزّ و اعتباره حسین
.
اولور شفاعته محشر گونونده دست آویز
توجه ایتسه بو اشعار آبداره حسین
.
.
#اکبریه_شهادت
#ایدنده_اکبری_اعزام_کارزاره_حسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید