کوچ از قتلگاه
.
✍️ #زبدةالاشعار ✍️
.
🆔: @nohe_torki
.
#سبک_خداحافظ_ای_آنام_باجی … 3 سبک … شیرین سوزوم آیدین اولدوزوم … عم اوغلی چوخ گول سارالار …
.
مرحوم غلامعلی باقری الهامی (هوشی تبریزی)
.
ایدوبدی ظلمونی عیان قوم شامیان قارداش
اولوبدی کاروان غم کوفیه روان قارداش
.
گوتورموراَل شمریله سنان
اهل بیتدن بیرآن
زینبین سنه قربان
.
گیدوب هامی جلالیمز غارته بو صحراده
حرم غزالی ظلمیله صید اولوبدی صیاده
فشاروز جردن اودور نی کیمی گلر داده
توکریوزه اشگینی ایدرنی کیمی فغان قارداش
.
.
بوچولده اوزوفاوی سن عالمه نشان ویردون
قوری یراوسته تشنه لب حسرتیله جان ویردون
منای عشقده عجب عالی امتحان ویردون
ویرم گرک بزم عشقده منده امتحان قارداش
.
.
امان ویره کاش عدومن زارودردی عظمایه
دویونجه بیرجه باخام یانام بووجود زیبایه
یارالی جسموه سالام زلفو میله من سایه
آلام مشامه عطریویباری بیرزمان قارداش
.
.
بودشتی گلشن ایلین ای سوتک آخان قانی
چکولّه شام وکوفیه جبریله بونالانی
اگرباشون گتمسه سنون گتمرم حسین جانی
مگراولا نیزده باشون منله همعنان قارداش
.
شراب وصلیله حسین ایله مست ومخمورم
غم فراقیدن دیمه بووصالیله دورم
چکورمنی شامه شمردون گتماقیمدامجبورم
طریق عشق اولماسااگرگتمرم اینان قارداش
.
.
نوالی بلبلم گیدوب باده گلشنیم سنسیز
چخوبدی جورخاریدن عرشه شیونیم سنسیز
داخی خرابه لراولارمسکنیم منیم سنسیز
خدنگ هجره سینمی ایلرم نشان قارداش
.
.
باتوبدی گل تک بدنین دست ظلمیله قانه
باجون نجه اولوبدی گورشمع عشقه پروانه
یانام بوشمعد ه گرک واردی منتّی جانه
ایدم جهانه سربسرعشقیمی عیان قارداش
.
.
سن اول مه بُرج عشقسن ابر خونیده باتدون
یتوب زواله ظلمیله گوزدن عالمی آتدون
بویرسنون اولدی مغروبون سن بوچولده خوش یاتدون
ولی منیم اشکیم اولدی قان شاه انس جان قارداش
.
.
دوشن یراوسته بدنی ای یارالی دلخسته
اویان نه خواب نازیدوریاتماایسسی قوم اوسته
حرملرون باجون اولوب قید ظلمیله بسته
اولوبلارآهوتک نجه صید کوفیان قارداش
.
.
نوایه گلمشم حسین جوروظلم دشمندن
قالام بویرده مائلم ال گوتورموری مندن
نه نوعی صبرایدوم دوزوم قارداش آیرلوم سندن
اولوبدی طایرغمه سینم آشیان قارداش
.
.
چکولّه شامه زینبی اشقیای بد اختر
نه واردی بیررحم ایلین وارنه یارونه یاور
یارلی باشیله بیزه نوک نی ده اول رهبر
ویره منه بلکه ظلمدن اشقیا امان قارداش
.
.
شرارغمده دمبدم (هوشی) سینه سین داغلار
گلرفغانه روزوشب اشگینی یوزه باغلار
عزادوتارسنه حسین بوسوزی دیرآغلار
ایدوبدی ظلمنی عیان قوم شامیا ن قارداش
.
.
.
.
.
#کوچ_کربلا #هوشی_تبریزی
#ایدوبدی_ظلمونی_عیان_قوم_شامیان_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید