زبدةالاشعار

ایلر بوگون یافاطمه هامی جهان افغان سنه #فاطمیه_دلریش

شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم #دلریش
.
ایلر بوگون یافاطمه هامی جهان افغان سنه
آغلار ئولونجه شیعه لرهر لحظه و هرآن سنه
.
.
دوتماز دلیم تقریر ائدوم جور و جفای دشمنی
جدون پیمبردن صورا قویمادیلار راحت سنی
گه قاپیوی یاندوردیلار قان آغلادور بو غم منی
گه تازیانه ووردیلار او قوم بی ایمان سنه
.
.
هاردا روادور بو اولا شیر خدا خانه نشین
قید ستمله باغلانا هم بازوی حبل المتین
هم مسند پیغمبری غصب ایلسونله مشرکین
وئردی نه غملر یوز اوگون ای بانوی دوران سنه
.
.
سن جان وئرنده باش آچوب آل پیمبر آغلادی
باتدی ملاله زینبون زار و مکدر آغلادی
توکدی سرشک لاله گون ساقی کوثر آغلادی
اوچ گون عزادار اولدیلار با دیدۂ گریان سنه
.
.
ایلر بو غمده شیعه لر گر شور و شین یا فاطمه
یاده دوشر کرب و بلا اوغلون حسین یافاطمه
ائتدی عدو باشین اونون زيب سنان یافاطمه
گاهی بتوله آغلاروخ گاهی شه عطشان سنه
.
.
هانسی شهیده سن کیمی ظلم ایلیوب اهل جفا
کسدیله تشنه باشیوی سویدیله رختون اشقيا
هرگز نه بیله ظلم اولور نه بو قدر صبر و بلا
اولسونله جمله شیعه لر مولا بلاگردان سنه
.
.
هاردا روادی بو ستم بیر نهر اول مهر بتول
منع ایلسونله تشنه لب قالسون تمام آل رسول
ائتدیله هر جور و جفا سن اولمادون اصلا ملول
اول کوفیان بی حیا ای شاه مظلومان سنه
.
.
بیر اکبریله خلقا و خُلقا شبیه مصطفا
اولسون روادور دوغرانا ایله جوان مه لقا
بیر تار زلف اکبره اولماز یقینا خون بها
وئرسه هر ایکی عالمی گر خالق سبحان سنه
.
.
بولمم نقدری وار سنون باشونده شوق وصل یار
ائتدیله هر ایذا سنه اینجینمدون ای شهریار
میدان عشقه گلمیوب اصلا سنون تک جان نثار
بذل ایلین ائتسه عطا یوز دفعه جانان جان سنه
.
.
بو عهديله پیمانیله گر گلميسوز ايامه سیز
قويسونله اوچ گون نعشیوی گونلر اوینده جامه سیز
گئتسون جدالرده باشون شامه کیمی عمامه سیز
باشون گوروب قان آغلاسون اول زینب نالان سنه
.
.
شام اهلی گوردی گفتگو ایلر باجی قارداشیلن
بیر ظلم ائدوبلر زینبون دولدی گوزی قان یاشیلن
ناگه عجوزه غرفه دن ووردی او باشی داشیلن
هرگز روادور بو ستم ای شاه مظلومان سنه
.
.
آلدی بو محنت یاحسین «دلریشدن» صبر و شکیب
تا وار حیاتیم ایلرم ناله بسان عندلیب
قسمت ائله بو جمعیلن کرب و بلایه چون حبيب
آخر نفسده جان وئراخ بیزده اولاخ دربان سنه
.
.
#سبک_ای_شاه_مظلومان_حسین … 5 سبک
.
.
#فاطمیه_شهادت
#ایلر_بو_گون_یافاطمه_هامی_جهان_افغان_سنه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  باجی جان او یئردی بو یئر یقین اولاجاقدی مروه صفا منه #ورود_کربلا_اکبر_قنبری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی