خطاب رسیدن از بارگاه قدس بحضرت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم سعدی زمان
.
ایلینده قتلگهده شاه دین راز و نیاز
بارگاه قدسدن سس گلدی گویا ایتمه ناز
.
باخما آغلور زینب کبری حبیبی یاحسین
گل یولون گوزلور آنان زهرا حبیبی یاحسین
.
.
ویرماقا جانان یولوندا جان ندور بو کش مکش
چوخ حرارت وار هواده جلدون ایلوب منکمش
یوم گوزون باخما فراته ایتمه تکرار العطش
قوی سوسوز قانون توکه اعدا حبیبی یاحسین
.
.
سن دییَنده العطش ای فخر اولاد خلیل
موج ایدور دریا کیمی جنّتده نهر سلسبیل
باش آچوب ساقیّ کوثر ناله ایلور جبرئیل
جدّون ایلور بزم غم برپا حبیبی یاحسین
.
.
بُلدولر قانون اگر چه بی بها اهل جفا
ایتمه غم امّا اوزوم اولّام سنه من خونبها
درگه قدسونده عبد رِقّ اولالّار ماسوا (1)
ای قتیل شمر بی پروا حبیبی یاحسین
.
.
فرش ایدوبلر یولّارا گیسولرین حوریّه لر
انتظار مقدمندور قدسیان با چشم تر
باخما ایلور داد و ناله زینب شوریده سر
باش آچوب فریاد ایدر لیلا حبیبی یاحسین
.
.
تشنه سن کوثر سنون بو جنّت المأوی سنون
عالم اعلا سنون دنیا و مافیها سنون
دستگاه خلقتیم یکسر اوزوم حتّی سنون
ماسوا حکمونده دور یکجا حبیبی یاحسین
.
.
پرچمون باخما یاتوب لشگر سینوب یوخدور معین
دوغرانوب اکبر سالوب اعدا ابوالفضلین الین
وُر شفاعت بیرقین محشرده مقطوع الوتین
حکموی کیم ردّ ایدر آیا ؟ حبیبی یاحسین
.
.
تک قالوبسان جمع اولوب بیحد جماعت باشیوه
اون ایکی یردن دگوب کاری جراحت باشیوه (2)
سوگلوم زیبنده دور تاج شفاعت باشیوه
سن اوزون سن شافع عقبی حبیبی یاحسین
.
.
سن کیمی هیچ عاشقین آب وضوسی قان دگول
گون قباقینده یارالی پیکری شان شان دگول
سجده گاهی داش یری مسجد دولی پیکان دگل
یاخشی ایتدون عهدیوه ایفا حبیبی یاحسین
.
.
کیم سنون تک سو یرینه لخته لخته قان ایچوب؟
قامت رعناسینه اوز اوغلنون خلعت بیچوب
شیرخواره اصغر و عبّاس و اکبردن گیچوب
دین اسلامی ایدوب احیا حبیبی یاحسین
.
.
باخما تیغ و خنجر الده اوستوه لشگر گلور
بیر طرفدن اوخ گلور بیر سمتدن خنجر گلور
باشون اوسته زینب مظلومه بی معجر گلور
دیده گریان دلده واویلا حبیبی یاحسین
.
.
سوز آهون یاندیرور عرش برین اهلین یاخور
چشمه چشمه بو یارالی پیکروندن قان آخور
عرشدن جدّون آتان حیدر آنان زهرا باخور
آغلور اهل عالم بالا حبیبی یاحسین
.
.
ایلمه خنجر دمینده بیر بیله جوش و خروش
ساکنان عرش اعلادن آپاردون صبر و هوش
آز قالور گوز یاشون ایتسون نار نیرانی خموش
قاتلونده یانماسین اصلا حبیبی یاحسین
.
.
بو بوغازوندان آخان قانه حبیبیم ایتمه غم
اهل دوزخدن جزاده اولقدر عفو ایلرم
تا اوزون راضی اولارسان ای امام محتشم
شأن پنهانون اولار پیدا حبیبی یاحسین
.
.
ای عزیز فاطمه ای جدّ «سعدیّ زمان»
ایسته اُول عرش آستان درباره گلسون میهمان
بو حسینی لر «حسینی» بیره «اشرف» نوحه خوان
سسلسونلر قبرون اوسته یا حبیبی یاحسین
.
(1) السَّلاَمُ عَلَيْكَ يَا أَبَا عَبْدِ اللَّهِ السَّلاَمُ عَلَيْكَ يَا ابْنَ رَسُولِ اللَّهِ السَّلاَمُ عَلَيْكَ يَا ابْنَ أَمِيرِ الْمُؤْمِنِينَ عَبْدُكَ وَ ابْنُ عَبْدِكَ وَ ابْنُ أَمَتِكَ الْمُقِرُّ بِالرِّقِّ …
سلام و تحيت بر تو اى ابا عبد الله الحسين (ع) سلام بر تو اى فرزند رسول خدا سلام بر تو اى فرزند امير المؤمنين من بنده طاعت تو و بنده زاده و كنيز زاده به درگاه تو مقر و معترف به بندگى فرمان تو ….
.
(2) … وضَرَبَهُ بِسَیفِهِ اثنَتَی عَشرَهَ ضَربَهً ، ثُمَّ حَزَّ رَأسَهُ… ( مجلد عاشر بحار – ص 228 )
.
.
.
#حسینیه_سعدی_زمان
#چهارده_معصوم_حسینی ص 141
#حسینیه_شهادت #قتلگاه
#ایلینده_قتلگهده_شاه_دین_راز_و_نیاز
#باخما_آغلور_زینب_کبری_حبیبی_یاحسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید