شهادت حضرت علی (ع)
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک … کربلا منتظر ماست … تک ضرب زنجیر …
.
.
مرحوم صحاف تبریزی
.
ایلیوب ترک جهان شاه ولایت بو گیجه
آل پیغمبره بر پادی قیامت بو گیجه
.
غملنوب ارض و سما یاسه باتوب کون و مکان
یر یوزیندن اوجالوب گوگلره فریاد و فغان
انبیا و رُسُل و جن و ملک آغلوری قان
باش آچوب هادی دین ختم رسالت بو گیجه
.
.
قاریشوب بیر بیرینه عترت شاه کرمین
بوینی چگننده توکر اشگنی رخساره حسین
مجتبی باشه وروب زینب ایدر شیون و شین
یوز ویروب حضرت کلثومه نه حالت بو گیجه
.
.
ویردیلر شیر خدا غُسلنى جمعیّتلن
گوتدیلر یردن او گل جسمنی چوخ عزّتلن
قویدیلار قبره شه عالمی چوخ حُرمتلن
اولدی مشغول عزا آل طهارت بو گیجه
.
.
شرع پیغمبر اکرمدی بو ای اهل زَمن
ئوله اسلامده هر کیمسه اولور غسل و کفن
یغشوب نعشنی فوراً گوتوروللر یردن
قلبمه سالدى شرر بو غم و محنت بو گیجه
.
.
ولی بو رسمه عمل ایتمدیلر قوم دنی
قالدی اوچگون قوری یر اوسته حسینون بدنی
نه کفن ایلینی اولدی نه بیر دفن ایدنی
یوخ دلیمده او غمین شرحنه طاقت بو گیجه
.
.
ووردیلار نیزیه گون تک باشنی لشگر شام
گتدی خولی او باشا ویردی تنور ایچره مقام
گلدی زهرا باش آچوق سویلدی ای شاه انام
دور اوغول یاتما کول اوسته بیله راحت بو گیجه
.
.
بسلدیم من سنی عالمده حسین عزّتلن
سینم اوستونده گیجه گوندوز اوغول زحمتلن
گتوروب خولی کول اوستنده قویوب ذلّتلن
ایلیوب باشوا بو نوعی اهانت بو گیجه
.
.
بیر بیله ظلمی ویرن یوخدی بو عالمده نشان
میزبانی ویره مهمانه گول اوستنده مکان
ایتدی بو نسگیل آنان فاطمه نون باغرینی قان
تاپموسان یاخشی اوغول گوشۀ عزلت بو گیجه
.
.
ایلدی ظلمیله شام أهلى خزان گللریوی
قویدولار گونلر ایوینده یارالی پیکریوی
ساربانون یتشوب کسدی اوغول اللریوی
قویدی آغلار منی بو ظلم شقاوت بو گیجه
.
.
آغلا صحاف بو ماتمده نقدر عمرون اولا
دوت حبین دامننی شیونه گل صبح و مسا
باطله ورما قلم عهدیوه سن ایله وفا
اجریوی ایلر عطا شاه ولایت بو گیجه
.
.
#حیدریه_صحاف_تبریزی
#حیدریه_شهادت
#ایلیوب_ترک_جهان_شاه_ولایت_بو_گیجه
#ترکی
.
✍️ #زبدةالاشعار ✍️
.
🆔: @nohe_torki
نظر دهید