ایلیکه زهریله مسموم اولوب امام حسن #حسنیه_مضطر_اردبیلی

شهادت حضرت امام حسن (ع)
.
✍️ زبدة الاشعار ✍️
.
?: @nohe_torki
.
مرحوم مضطر اردبیلی
.
ایلیکه زهریله مسموم اولوب امام حسن
جمع اولدی باشینه خویش اقرباسی مردیله زن
.
حسین عمامه سی الده یتیشدی قارداشینا
اولوبلا قول بویون اوندا بدون حرف و سخن
.
یوزینه بیربیرینون باخدیلار ایکی قارداش
حسن تسلّی ویرردی حسین ایدوب شیون
.
ساقیندا زینبی آغلار صولیندا کلثومی
عیال اوشاق هامی گریان، باهزار محن
.
بیری الینی اُواردی بیری ایاقینی
بیری ترین سیلوب ایلر بیریسی بادِ زن
.
گورن یانوب ایشیدن آغلیوب گیدن غمگین
تماماً اللّری قوینندا باشین آچدی گلن
.
ابالفضلون سارالوب رنگی دیزلری تترر
دیر جانیم سنه قربان ایا امام زمن
.
اونا تسلّی ویرن قارداشی حسین اولدی
ز بسکه یاخشی بیلور بلبلون دیلینی چمن
.
ایلیکه ایلدیلر رو به قبله اول شاهی
اوچوبدی روح قالوب رختخواب ایچینده بدن
.
خبر یتوب هامی اهل ولایت اولدی غمین
درِ امامته جمع اولدی جمله اهل وطن
.
کیمی گتورمگه تابوت ایلیوب تعجیل
کیمی حنوطینی حاضر ایدوب کیمسی کفن
.
بیر آیری درد واریمدور دیوم و یا دئمیوم
نجه جسارتیلن کشف ایدوم او محنتی من
.
حسن ئولنده حسین باشی اوسته آغلاردی
حسین ئولنده باشی اوسته شمر ذالجوشن
.
حسن ئولوری الی قارداشون الینده ئولور
حسین ئولنده الی ساربان الینده ندن
.
حسن باشینی حسین آلمشیدی آغوشه
حسین باشی،جدالرده سیر ایدر بی تن
.
حسن جنازه سینه یتمیش اوخ دیولَّه دگوب
حسین یارالارینی من دینمرم روشن
.
داخی بو محنتی شرح ایتمه ختم قیل«مضطر»
سنون بو نطق بیاناتیوه هزار احسن
.
.
.
#حسنیه_شهادت
#ایلیکه_زهریله_مسموم_اولوب_امام_حسن
#مضطر_اردبیلی
#ترکی
.
✍️ #زبدةالاشعار ✍️
.
?: @nohe_torki