ایو اولوب خاطر رنجورده زندان گئجه لر #فاطمیه_شبخیز

شهادت حضرت زهرا (س)
گئجه لر …
.
.
.
مرحوم #شبخیز
.
.
ایو اولوب خاطر رنجورده زندان گئجه لر
سیخیری قلبیمی زهرا غم هجران گئجه لر
.
نه على نِی تک ایدور ناله، غم هجروندن
در و دیوار مدینه ایدر افغان گئجه لر
.
ماتمیندن پوزولوب نظم عوالم، گؤرورم
گزیری ماه فلک بی سر و سامان گئجه لر
.
چنگیِ حجلۀ گردون بو غم و ماتمدن
چاک ایدر پنجۀ محنتله گریبان گئجه لر
.
ملک بطحانی دوتوب وحشت ظلمات و سکوت
گورسه هرکیم اولی بو وضعی هراسان گئجه لر
.
یوخدی بیر کیمسه علیدن سوروشان احوالین
دود آهیمدی ایدن دردیمه درمان گئجه لر
.
گؤروم اصحابدن اولسون حق سبحان راضی
که اولوللار منه غمخوار بو حِرمان گئجه لر
.
نه گلن وار نه گیدن محفل پر سوزیمه تک
گاه و بیگاه گلیر بوذر و سلمان گئجه لر
.
سن غروب ایلیه لی ای مه گردون عفاف
شرم ایدر چیخسون اوزه ماه درخشان گئجه لر
.
ائیله اطفالیوی محزون ائلییب آیریلقون
که انیدیبلر ائوی بیر کلبۀ احزان گئجه لر
.
بیر طرفده حسن آشفته دی بیر یاندا حسین
شرح ایدیلّر غم هجران ایکی نالان گئجه لر
.
وحشتیندن یاتا بیلمز اولار آشفته حسین
گورر از بس یوخودا، خواب پریشان گئجه لر
.
دییر آهسته حسن اؤز اوزونه بس آناجان
کیم بیزه مونس اولار ای سنه قربان گئجه لر
.
زینبین اشکی آخار گل یوزینه ژاله کیمی
غم هجرونده اولار دیده سی گریان گئجه لر
.
یوخی گلمز گؤزونه صبحه کیمی نازلی قیزین
دولانار آغلار ایدر ناله و افغان گئجه لر
.
گؤزی کلثومون، آنا دیلده سنی آختارالی
دولانار هر طرفی ائوده پریشان گئجه لر
.
ائو ، ایشیکدن گوروررم غم یاغیری سن گئده لی
گونده تجدید اولوری شام غریبان گئجه لر
.
بسدی شب خیز دایان یازما غم زهرانی
بحر تک گرچه جوشار طبع سخندان گئجه لر
.
#فاطمیه_شهادت
#ایو_اولوب_خاطر_رنجورده_زندان_گئجه_لر
#ترکی #زبدةالاشعار #فاطمیه
.
.