زبدةالاشعار

ایکی غم کش باجی قارداش بو منزلده او منزلده #راه_شام_مضطر_اردبیلی

راه شام

.
✍️ #زبدةالاشعار ✍️
.
🆔: @nohe_torki
.
مرحوم مضطر اردبیلی
.
ایکی غم کش باجی قارداش بو منزلده او منزلده
اولوبلار شامه دین یولداش بو منزلده او منزلده
.
.
بیری نوک جدا اوسته بیری مینمش سنق محمل
بیری ذکر ایلیور قرآن بیری ایلر اونی تأویل
بیری خولی تنورینده ایدر مطبخ سرا منزل
بیری گوزدن توکر قانیاش بو منزلده او منزلده
.
.
بو باجی قارداشین نقلی کتاب غمدی نه قصّه
شریک اولموشدیلار دائم گله هر درد و هر غصّه
او که طعن و شماتتدور یتیشدی زینبه حصّه
حسینه نیزه لرده داش بو منزلده او منزلده
.
.
او گیمش قاره اوستیندن قرا بختی کیمین جامه
بو شه باشی آچوق آی تک نه وار تاج و نه عمّامه
مذمّت ایلیور خلقی گتورور دین اسلامه
ره اعجازلن اول باش بو منزلده او منزلده
.
.
جدالرده هامی باشه حسین سرخیل حسین سالار
بلالی زینبون اما باشیندا جمع بی غم خوار
بیری سویلر آجام عمه بیری سوز عطش اظهار
بیری درد دل ایلر فاش بو منزلده او منزلده
.
.
ایدنده سوق هر شهره و یا هر سمت بازاره
تماشایه چخوب دشمن تماماً بام و دیواره
کیمیسی الده چنگ و دف کیمیسی الده نقّاره
کیمی محزون کیمی بشّاش بو منزلده او منزلده
.
.
سکینه تربیت تاپمیش علی اکبر اطاقینده
یاتاردی استراحتلن اباالفضلون قوجاقینده
ایله شمرون جفاسیندن قاچاردی آت قباقینده
پیاده شامه دین بیر باش بو منزلده او منزلده
.
.
گرک نوحه ایدن انشا فشار دهره قیلسون تاب
گلستان مصیبتدن درور گل چشملردن آب
اولا مضطر کمین مضطر گونوز زحمت گجه بی خواب
یتر بو زحمت پاداش بو منزلده او منزلده
.
.
#راه_شام_مضطر_اردبیلی
#ایکی_غم_کش_باجی_قارداش_بو_منزلده_او_منزلده
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای دل بیچاره دینن یا علی #حیدریه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی