مدح و میلادیه حضرت امام هادی علیه السلام
.
✍️ زبدة الاشعار ✍️
?: @nohe_torki
.
کربلایی احد ظهرابزاده ( واصف مرندی )
.
ایکی یوز اون ایکی هجریده خلاق غفور
وردی یثربده امام دهما حکم ظهور
.
پرده ی مصلحتیدن چخیب اول پاک نهاد
اتدی رخساری ولایت ئوینی مطلع نور
.
اللهین تهفه سینی آلدی جواد بن رضا
سجده ی شکره دوشوب قلبی اولوب غرق سرور
.
ساغ قولاقینه اذان وردی اقامه صولونا
آدینی قویدی علی عزتی اولسون مشهور
.
باشینه رحمت الین چکدی نوازش ائلدی
گولونون آفتینی ایلدی بوطرزیله دور
.
علوی تربیتی سکیز ایلی تعلیم اولوب
ظاهرا طفلیدی البتده برومند جسور
.
ام فضلین ستمیدن آتاسی اولدی شهید
اگلشیب تخت امامتده اولوب صاحب امور
.
اولیاء اللها سن اختلافی شرط اولماز
علمیده فوقیدی اجدادی کیمین مرد غیور
.
اولدی تبعید ستم حکمونه سامرایه
گولی گلشندن آیردی ابدی پنجه ی زور
.
همزمان آلتی خلیفیله مواجه اولدی
معزلیلن متوکل تانینیب پست شرور
.
متوکل علوی نسلینی سرکوب ائلدی
شیعه نین قلبی گلردرده اگر اتسه مرور
.
هتک حرمت ائلییب کرببلا سرورینه
سوقوشوب شخم ائلدی برهم اولوب نظم قبور
.
حضرت هادیه وردی فقرا مسکنینی
زندگیدن اده تا تحت نظرده رنجور
.
حضرتین محضرینه چوخلی جسارت ائلدی
نصف شبلر ئوینه وارد اولاردی مامور
.
بیر گجه مستیدی بیر لهو لهب بزمینده
وردی ئوز حاجبینه نخوتیلن بیر دستور
.
گت گتور حضرت هادینی سراسیمه بورا
اوحرامزاده ده اجرا ادیب حکمون فی الفور
.
حضرتی بزم شرابه گتوروب جبریلن
بی حیالرده محالدی اولا آئین شعور
.
عصمت اللهه تعرف ائلدی الده شراب
واردی هرزه وجودینده زبس کبرو غرور
.
علوی قانیمه مشروب قاریشماز بویوروب
منی بوباره ده گر اتسن حیا دوت معذور
.
اوندا تهدید ائلدی بزمیده بیر شعر اوخویا
نبوی ناطقینی گتدی بیانه مجبور
.
نچه بیتیله همان بزمیده شاهکار ائلدی
متاثر اولوب اول بزمیده اعضاو امور
.
آیری بیر مجلسی سالدی یادیما بوجریان
خیزران زوزه سی قوزاردی هرآن ناله وشور
.
اسرا نظمیله بیر یاندا ایاق اوسته دوروب
غصه دن پارچالانیب سینه ده هر قلب صبور
.
ولی بیر یاره لی باش طشت طلایه قویولوب
بویلانیر قیزلاری هردن اونا حسرتلی باخور
.
شیر زن بیر خانمی ظلم الی زنجیره چکوب
یاحسین سسلنیر هرآن ئوزونه لطمه وورور
.
#الهادی_میلادیه
#الهادی_مدح
#ایکی_یوز_اون_ایکی_هجریده_خلاق_غفور
#واصف_مرندی
#ترکی
.
✍️ #زبدةالاشعار ✍️
?: @nohe_torki
نظر دهید