بسته شدن راه فرات
خطاب به آب فرات
.
✍️ #زبدةالاشعار ✍️
.
🆔: @nohe_torki
.
مرحوم ذهنی زاده
.
ای آب فرات ای آدی سو صحبتی آتش
آوازه سی اندوه و مصیبت سسی دلکش
دریا کیمی آخ چوللره سن خرّم و خندان
قوی آغلیه یر گوی که حسین تشنه ویروب جان
.
.
ای دور عطش ظلمتینون آب حیاتی
خضرین گوزونون مایۀ اشک حَسَراتی
قان دجله سی ایجاد ایلین هر قطراتی
طغیان ایلیوب کاش او صحراده داشِیدون
قان دجله لری باشدان آشانجا سن آشِیدون
.
.
قوی دور ور بون گلشن اولوب گللره دولسون
گللرده قزل گل لر آچوب غنچه لر اولسون
پیغمبرین امّا سارالوب گللری سولسون
سن بیر ایچیم اولما او سوسوز گلشنه قسمت
یاندورسون او گلزاری سنه آتش حسرت
.
.
گلشنده اولان گل لریوین روحینه باخما
گلزار پیمبردن اوتان گلشنه باخما
گلشن سوواروب دللری نسگل اودا یاخما
سندن سو ایچن غنچه لرین باغری قان اولسون
دنیاجه اگر گلشنون اولسا یالان اولسون
.
.
بیر گلشنی سولدورموسان ای سو سوسوزوندان
عالم لر اونون غنچۀ نوخیزینه قربان
ویردی اونا قان سو یرینه زهرلی پیکان
دوندردی بهارین بیر ایچیم قان سو خزانه
بلبل لرینی قویدی ئولونجه یانا یانه
.
.
بلبل لری گورسن که اوخور گل بوداغیندا
خوش لحنیله وار بیر یارالی دل سراغیندا
ایستر که طنینِ غم آچا گل قولاقیندا
سویلر نه گل و گلشن و بلبل نه ترانه
سولسون گوروم ای کاش گلستان زمانه
.
.
ای حشره کیمی تیر شماتت لره آماج
آخدیقجا ایدن صبر و دل عالمی تاراج
بیر عدّه سوسوز اولدولا بیر گون سنه محتاج
بیر قطره سویون گوردوله قان قاندی بهاسی
سو صحبتینون کلمه سینون جاندی بهاسی
.
.
هر سرو کنارینده آچان بیر ساری لاله
بیر تشنه جگر قیز دیه سن الده پیاله
سقّایه دیر باخ سارالان صورت آله
گور داغ عطشدن نجه وار دلده شراره
یاندیم سوسوزومودان سنه قربان ایله چاره
.
.
ای اوّل خلقتده سولار مایۀ رشکی
سرچشمه سی گوزلردن آخان تشنه لر اشکی
مین شوقیله گَتدی سنه سقّا قوری مشکی
بیر مشک سو دولدورماقا قوللار قلم اولدی
سو مشکیده اوخلاندی، بوشالدی قانا دولدی
.
.
#ای_آب_فرات_ای_آدی_سو_صحبتی_آتش
#ترکی
.
✍️ #زبدةالاشعار ✍️
.
🆔: @nohe_torki
نظر دهید