ای آتش فراقه جهاندا یانان خانم #حضرت_معصومه_شهاب_تبریزی

حالات حضرت معصومه سلام الله علیها
.
.
.
مرحوم شهاب
.
.
ای آتش فراقه جهاندا یانان خانم
شام و سحر شرار غمه اودلانان خانم
.
آخر نفسده قارداشوون گورمدون یوزین
ویردون او غربت اولکه ده حسرتله جان خانم
.
دوندی غم فراقیده آلقانه گوز یاشون
قارداش فراقی قامتون ایتدی کمان خانم
.
البته آغلارام سنه من ایلرم فغان
ای جان ویرونجه صبح و مسا آغلیان خانم
.
قارداش سراغی ایتدی وطندن جلا سنی
اولدون سن آخر عمریده بی‌خانمان خانم
.
چخدون مدینه دن بو خیال و مرامیله
بلکه رضا یوزین گوره سن سن بیر آن خانم
.
قویمادی چرخ دون یته سن مراموه
سینونده قالدی حسرتون ای ناتوان خانم
.
چوخ عزّتیله چخدی هامی پیشوازیوه
ایتدی مشایعت سنی مرد و زنان خانم
.
قرآن اوخوردولار قباقوندا او گون سنون
هیچ بیر کسه اولونموب ایله عز و شان خانم
.
دوشموشدی بیر منادی او گونده قباقیوه
مهمان گلور دیردی عزیز زمان خانم
.
شهر اهلنون او گونده تماما خانملاری
حسرت چکردی وصلووه ای باغریقان خانم
.
بیر ایله پیشواز اولونموبدی هیچ کسه
ایله جلال ویرمیوب هیچ کیم نشان خانم
.
الّا گلور خیالیمه بیر پیشوازیده
ائتدی حسین باجیسنا اول شامیان خانم
.
اما سنیله واردی اونون چوخ تفاوتی
یوخدی دیلیمده طاقتیم ایلوم بیان خانم
.
بو درگهَه شهاب اوزینی ایلیوب دخیل
شام و سحرده اشکینی ایلر روان خانم
.
بو جمع نوحه خوانه اونا بیر توجه ایت
ایستَلَّه زایرون اولالار هر زمان خانم
.
.
.
#23ربیع
#حضرت_معصومه_ورود_قم
#حضرت_معصومه_شهادت
#ای_آتش_فراقه_جهاندا_یانان_خانم
#شهاب_تبریزی
#ترکی
#زبدةالاشعار