کوچ از کربلا
زبانحال حضرت زینب سلام الله علیها
.
✍️ زبدة الاشعار ✍️
?: @nohe_torki
.
.
سبک :: زینبم جان اوستیم جانانی گوزلر گوزلریم … کربلا ئوز ائتدیگیم پیمانه خاطر گلمیشم … یه سوال دارم مگر ما دل نداریم ای خدا…
.
.
مرحوم میرزا عباسقلی صابر تبریزی
.
.
ای آخان حق اوسته ناحق سو کیمی قانی حسین
زینبه سس ویر سنی زهرا آنام جانی حسین
.
.
.
ای قزل گول تک اولان خندان یارالی بیکری
گر بو گونی قاره نون سنسن عزیز مادری
قویما قانیاش بیر بیله توکسون عذاره گوزلری
نطقه گل تا آخماسین گوزدن جگر قانی حسین
.
یوزده زلفیم اللریم باشدا توکر قانیاش گوزوم
دیزلریم تیترور دونوبدور تیره شامه گوندوزوم
قویما گوز یاشیم کیمی دوشسون یره قارداش سوزوم
قیل توجه نطقه گل دیندیر بو نالانی حسین
.
راضی اولمازدون آنام اوغلی باجون محزون اولا
نه روادور ایمدی قلبی غنچه تک پرخون اولا
اولما راضی بوندان آرتوخ محنتی افزون اولا
آز دولاندور چوللری بو خانه ویرانی حسین
.
دخت زهرایم اسارت قیدینه پا بسته ام
اوغلی قارداشی ئولن بیر دستیه سردسته ام
آند اولا اوز جانیوه جانیم عزیزی خسته ام
آز قالور پاشیده اولسون جسمیم ارکانی حسین
.
ای دوشن ایسسی قوم اوسته بیکر صد پاره سی
زینبین بیچاره دور ای چاره سیزلر چاره سی
ای پناهیم نیلسون بس بو وطن آواره سی
کیمسه یوخ دردین دئسون یوخ درده درمانی حسین
.
ای تراب اوسته یاتان آرام جان بوتراب
اوز یاراسیندان آخان قان غسلی کافوری تراب
دستگیر اولسا باجی قارداش مگر ویرمز جواب
یوخسا بیر اولماز باجیله قارداشین قانی حسین
.
بو گیچن گون سنده خستیدون ایا شاه زمن
بو گیجه اما یاتوبسان مختصر دینجلموسن
بیر نفر بُلمور ولی نه چکمیشم بو چولده من
قویمیوبدور من یاتام لیلانین افغانی حسین
.
من دئمم سن شبه طاهاسن شه عالی نسب
بیر مسلمانسان اقلاً بیر نفر عادی عرب
وار بو کافرلر ائدن ظلمه نه علت نه سبب
کیم گوروب بو حاله سالسونلار مسلمانی حسین
.
حشمت و جاهون تالاندی ای سلیمان زمن
تاپدی بو چولده سنه ال بی مروت اهرمن
بیر عقیق انگشتر اوسته خردا بارماقین کسن
عالم معناده آغلاتدی سلیمانی حسین
.
ای وئرن گلزار دینه سو کیمی قانی صفا
جسمیوه گر چه ووروبلار کوفیان سانسیز یارا
لیک بو قلبینده کی اوچ شعبه لی تیر جفا
زخمدار ایلوب مُسَلَّم قلب زهرانی حسین
.
اوز مقدّس مقصد و مقصودیوه سن چاتموسان
زینبون اما نه علت وار گوزیندن آتموسان
خسته سن آلات حرب آلتیندا راحت یاتموسان
مصرعین بو زینب مظلومه قربانی حسین
.
«صابرین» وار آرزوسی ای شه دنیا و دین
جان کیمی آغوشه آلسون قبریوی بیر اربعین
بیرده حقدن ایسته توفیق و سعادتله قرین
درک ایده کوه مناده عید اضحانی حسین
.
#کوچ_کربلا
#ای_آخان_حق_اوسته_ناحق_سو_کیمی_قانی_حسین
#صابر_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید