زبدةالاشعار

ای آسمان غمده پوزقون ستاره زهرا #فاطمیه_امانی_اردبیلی

زبانحال حضرت علی (ع)
.
#سبک_احوالیمیز_یاماندی … 10 سبک
.
حاج علیرضا امانی اردبیلی
.
ای آسمان غمده
پوزقون ستاره زهرا
سینون یارا گئدورسن
گیزلین مزاره زهرا
.
درگاهیم اودلاناندا
اعدا سنی ووراندا
زینب منه باخاردی
من ذوالفقاره زهرا
.
.
گوردوم یئره یخلدون
اشکون یوزه رواندی
بیلمیردیم ئوز قاپیمدا
مسمارین اوستی قاندی
اولسون قسم حسینه
سندن علی اوتاندی
اود ووردیلار ائویمده
دار و نداره زهرا
.
.
سندردی ئوز امامین
امّت ائدیب خیانت
شرمیم ائدوردی طغیان
صبر ایستیوردی حکمت
آغلاردی ذوالفقاریم
اَللر ائدردی طاقت
گوزلر باخاردی سینه م
چکدی شراره زهرا
.
.
الله بیلیر نه چکدیم
طغیان ائدنده اعدا
ئوز گوزلریمله گوردوم
بیر ظلمی آشکارا
بیلدیم ائویم یخلدی
ائتدی بو امتحاندا
غیرت منه گلایه
من روزگاره زهرا
.
.
سینه مده قالدی گیزلین
بیر محنتین عذابی
بو نوحه لرده واردور
چوخ سوزلرین جوابی
سالدی بابون پیمبر
قوللاریمه طنابی
یوخسا علی تاپاردی
بو درده چاره زهرا
.
.
بیر حاله قالدی یارب
بی کس علی نگاری
قانه بویاندی محسن
گیزلین قالوب مزاری
باغلی بَلَک «امانی»
تک قالدی یادگاری
یاندی علی ئولونجن
بو یادگاره زهرا
.
.
.
.
#فاطمیه_شهادت
#ای_آسمان_غمده_پوزقون_ستاره_زهرا
#امانی_اردبیلی
#ترکی
.
.

متن پیشنهادی:  قلبیم ائوی شاد اولوب غصه دن ازاد اولوب #سجادیه_متقی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی