ای ائدن کهکشانلاری مبهوت عصمت بی مثالی یا زهرا #فاطمیه_محمد_وهابزاده

در مدح ومنقبت حضرت صدیقه طاهره سلام الله علیها
.
✍️ زبدة الاشعار ✍️
.
🆔: @nohe_torki
.
محمد وهابزاده اردبیلی
.
ای ائدن کهکشانلاری مبهوت
عصمت بی مثالی یا زهرا
المثناسی اولمیان صادر
قُرب و وزن و تعالی یازهرا
.
.
.
لقبون فوقیدور لَقبلَردن
هیچ نظیرون تاپیلماز عالمده
هر کسه ایلسون نظر آزجا
رود اولار قطره اولسا شبنمده
باخدیم عالمده عالی نسوانه
گَردووَه چاتمازیدی مَریَمده
فاطمه کیم بیلور کی یعنی نه
شیعیه شافع اول جهنمده
دوزدی جنسیتاً مؤنث سن
جُمله مَردان مِدالی یازهرا
.
.
.
گورورم ظاهروندن انسان سان
ذاتاً و فطرتاً ملیکه و حور
اولین اُنس خلقت اَزلی
باغ جنتدن ایلینده عبور
منقلب اولدی آدم و حوا
گوردی مرآتیده ئوزین چون کور
اولاری ائدوبدی سرگشته
فجر رویون زلالی یا زهرا
.
.
.
تانیانمازدی احمد یله ٬ علی
غیریدن بیر نفر سَنی اصلا
سنه هم سنگ و کُفو اولانمازدی
اولماسیدی اگر علی اعلا
سنی الله یاراتدی تا اولاسان
اولین مادحه ٔ صفات خدا
منی تکفیر ائدون اگر کی اولا
سوزلریم احتمالی یا زهرا
.
.
.
واردی اما بو فَرٌ و قدرتیلن
خالق لا مکان اوجالتدی سنی
نئجه چاتمازدی عالَم آخرینه
کینهٔ فلک قوجالتدی سنی
قانمیان دوز چُورک قداستینی
اُمت بی حیا سارالتدی سنی
چوخ جوانلیقدا سن علیل اولدون
شرح اولونماز ملالی یا زهرا
.
.
.
رقم اوچ یوز نفر کِتابَت دور
بیت وَحیه گتوردیلر حمله
بی ادب بی شرف ٬ نما انسان
فطرتاً سنگ دِلدی مِن جُمله
ثانی و قنفذ و مغیره نی گور
بی هویّتدیلر تمام اَصله
تک دفاع ایلدون ولایتدن
سن شهیده وفالی یا زهرا
.
#فاطمیه_مدح
#ای_ائدن_کهکشانلاری_مبهوت
#محمد_وهابزاده
#ترکی
.
.
✍️ #زبدةالاشعار ✍️
.
🆔: @nohe_torki