زبانحال حضرت زهرا (س) به حضرت علی (ع)
.
✍️ زبدة الاشعار ✍️
.
🆔: @nohe_torki
.
#ستار_رزاقی
.
ای افتخار عالم امکان عموغلی جان
وی مقتدای وادی عرفان عموغلی جان
.
ای سرو بوستان امامت شه ولا
ای مظهر عدالت و ایمان عموغلی جان
.
ای دهریده فتاده لرین دردینی بیلن
ای درد اهل عالمه درمان عموغلی جان
.
زهرانون آز قالور گل عمری خزان اولا
جانانینه یاخوندی ویره جان عموغلی جان
.
آخرنفسلرون چکوری بو شکسته دل
گوزلور سنی بو دیده سی گریان عموغلی جان
.
پیک اجل یاخوندی گله.گل.کناریمه
تا جان ویریم نگاریمه آسان عموغلی جان
.
قرآن سسون همیشه ویروب روحیمه صفا
گل بیرده قیل تلاوت قرآن عموغلی جان
.
چوخ اینجیدوب زمانه منی جانه دویموشام
نیلوم یتیشدی موسم هجران عموغلی جان
.
گیتدی آتام الیمدن اولوب گونلریم قرا
گوزدن آخان سرشگیم اولوب قان عموغلی جان
.
ایمدی بابام مدینه سی غربتدی بیزلره
اولدوق عجب غریبه دوران عموغلی جان
.
امت سفارش شه بطحایه باخمادی
ایلوب بیزه مدینه نی زندان عموغلی جان
.
دشمن گوروب کی یوخدی آتام گلدی جراته
ظلم و جفاده ایلدی طغیان عموغلی جان
.
بی رحملر توکولدوله باب امامته
اولدی نلر دینمورم الان عموغلی جان
.
دوردوم قاپی دالیندا کی حقدن دفاع ایدم
اما ترحم ایتمدی دونان عموغلی جان
.
چکدیم نلر اودم کی آچلدی یانان قاپی
بولدی فقط او خالق منان عموغلی جان
.
دیوارودر وجودیمه از بس ویروب فشار
اولدی بالام ولایته قربان عموغلی جان
.
اشرار ال تاپاندا حریم ولایته
دنیا ندندی اولمادی ویران عموغلی جان
.
دشمن سنی چکوبدی الی باغلی مسجده
چخماز همان قضیه یادیمدان عموغلی جان
.
من دوزموشم زمانه ده هربیر چتینلیقا
تاغملر ایتمسون سنی گریان عموغلی جان
.
وقف ایتمیشم وجودیمی دین و ولایته
ویرم بویولدا عمرومه پایان عموغلی جان
.
بوندان صورا مصائب دنیایه صبر ایله
زهرا گیدور آتاسینه مهمان عموغلی جان
.
قوی دلده کی وصیتمی ایلیوم بیان
وار خواهشیم کی اولما پریشان عموغلی جان
.
ویر غسلومی گیجیله کفن قیل جنازه مه
قوی قبره اِت مزاریمی پنهان عموغلی جان
.
بیرده سفارشیم بودی مندن صورا ئوزون
چوخ چوخ مواظب اول بلالاردان عموغلی جان
.
خاصه مواظبت ایله اوغلوم حسینیدن
سعی ایله قالماسین اونی عطشان عموغلی جان
.
چون دشت کربلاده قالار تشنه لب بالام
ظلمیله سو یرینه ایچر قان غموغلی جان
.
چشم امید اهل ولا تکجه سنده دور
قویما محبّیوی قالا نالان عموغلی جان
.
«رزاقی» دا سالوبدی ائوزون استانیوه
ترک ایلمز بو درگهی بیر آن عموغلی جان
.
#فاطمیه_شهادت
#ای_افتخار_عالم_امکان_عموغلی_جان
#ترکی
.
✍️ #زبدةالاشعار ✍️
.
🆔: @nohe_torki
نظر دهید