یا مهدی
.
✍️ #زبدةالاشعار ✍️
.
🆔: @nohe_torki
.
.
مرحوم میرزا حیدر صراف (مدحی تبریزی)
.
ای امام منتظر مرآت یزدان السّلام
گل ئوزون ائیله بودنیانی چراغان السّلام
السّلام ای مهدی صاحب زمان
السّلام ای جدینون قانین آلان
.
.
سن او وجه الله باقی سن که ای شاه غیور
طلعت حسنوندن ائیلر ماه و انجم کسب نور
آتش هجرونده یاندوخ ائیله تعجیل ظهور
ابرغیبتده قالان ای ماه تا بان السّلام
.
.
یئر یوزون دولدوردی جور و ظلم یاصاحب زمان
گلستان دینه هر دمده اَسور باد خزان
کسمه لطفون گُل لروندن ای وفالی باغبان
قیل نظر گلزار دینه اولدی خندان السّلام
.
.
غیبتون طول اولدی ای شمس هدی والا مقام
مدّت عمرون اولوب مین یوز اوتوز بیر ایل تمام
شیعه لردائم فراقوندا سیزیلدار صبح و شام
ای وجودی پیکر قرآن ایچون جان السّلام
.
.
کشتی دینه ازلدن سنسن آخر ناخدا
دم بدم موجه گلور دریا کیمی بحر بلا
کشتی دین آزقالور غرق اولسون ای شمس هدا
السّلام ای ناجی کشتی قرآن السّلام
.
.
انتظار مقدمونله اولدی بو دیللرکباب
هانسی ساعتدور اولا بوقانلی دیللر کا میاب
قیل ظهور ای چرخ دینه بیر ایشقلی آفتاب
ای جمالین روحبخش مهر رخشان السّلام
.
.
اسم پاکی حجّت حق مهدی قائم لقب
آغلیان جدی حسینون ماتمین ده روز و شب
قویما جدّون قانی قالسون یئرده ای والانسب
السّلام ای منتقم وی صاحب قان السّلام
.
.
ایلیوب ایما بومعنایه خدای لاینام
هرکسی مظلوم ئوله آلسین ولیسی انتقام
یئرده قالسین تابکی خون امام مستظام
ای ایدن عدلیله بوعالمده دیوان السّلام
.
.
ظلم دشت کربلادن ای اولان خونین جگر
روز شب غمدن توکن گُل عارضه اشک بصر
قیل ظهورون ای ولی حق امام منتظر
وی ظهوری شیعیانه لطف شایان السّلام
.
.
حاج جواد آدلو بوشعره بانی اولدی مدحیا
قسمتی اولسا سنیله گردیار کربلا
اوردا بئیله ذکر ائله اولسون سنیله همصدا
عرض ائله یا حجة الله شاه عطشان السّلام
.
.
#مهدیه_مدحی
#ای_امام_منتظر_مرآت_یزدان_السلام
#ترکی
.
✍️ #زبدةالاشعار ✍️
.
🆔: @nohe_torki
نظر دهید