ای امام هشتم گَلمیشوخ نیازه #رضویه_اعظمی_تبریزی

وداع زائر از حرم مطهر حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
مرحوم اعظمی تبریزی
.
ای امام هشتم گَلمیشوخ نیازه
تا اولاخ مرخّص ایستیروخ اجازه
.
شام هجر ظاهردی
بو وداع آخِردی
.
باشیوه دولانّوق ( 2 )
.
.
.
گیچدی وصل وقتی، یتدی نار فرقت
یوزلره دوباره آخدی اشک حسرت
بس ندور علاجی قویموری محبّت
.
آیریلاق جواروندان
دویمادوق مزاروندان
.
باشیوه دولانّوق ( 2 )
.
.
.
زائری همیشه لطفه مایل ایله
لطفیوی بو جَمعه بیرده شامل ایله
دعوت ایله هر ایل فیضه نائل ایله
.
ایلمه بیزی مایوس
آهیله اولاق مانوس
.
باشیوه دولانّوق ( 2 )
.
.
.
نکهت مزارون دولدوروب جهانی
قبریوی گورنلر نیلوری جِنانی
شمع وصله یانّوق آیریلیق زمانی
.
آیریلیق چَتین غمدور
یاندوران همین غمدور
.
باشیوه دولانّوق ( 2 )
.
.
.
صحنیوه گَلنده دسته لر دوزولدی
حسرتیله گوزدن اشکیمیز سوزولدی
مرقدوندن اَللر بیر زمان اوزولدی
.
یوخدی قالماقا فرصت
ایلیاخ گرک رجعت
.
باشیوه دولانّوق ( 2 )
.
.
.
هر کیمون اورکده واردی بیر ملالی
لطفیله قبول ایت بیزدن عرض حالی
درگهوندن آخِر ایتمه دست خالی
.
سائلی یولا سالسان
خوشدی گوگلینی آلسان
.
باشیوه دولانّوق ( 2 )
.
.
.
نسگلون اورکده بو سیاق آپارّوخ
بو گوزل رواقدان اشتیاق آپارّوخ
سینه لرده درد افتراق آپارّوخ
.
هجریله یاناق اوقات
بیرده بیز گَلاق هیهات
.
باشیوه دولانّوق ( 2 )
.
.
.
.
گلشن مزارون گُل آچوبدی تازه
هر کس اوز دلینجه دل آچوبدی تازه
تا اولاق مرخّص ایستیروخ اجازه
.
اعظمی قالوب حسرت
ایله قبریوه دعوت
.
باشیوه دولانّوق ( 2 )
.
.
#سبک_دولدوروب_جهانی …
#سبک_گلمیشم_فغانه_یانه_یانه_عمه
.
.
.
#رضویه_مدح
#ای_امام_هشتم_گلمیشوخ_نیازه
#اعظمی_تبریزی
#ترکی
.
✍️ #زبدةالاشعار ✍️
.
🆔: @nohe_torki