ورود محرم
.
✍️ #زبدةالاشعار ✍️
.
🆔: @nohe_torki
.
#سبک_ای_ساقی_ما_سرمستان
.
رمضانی (خاکی)
.
ای اهل ولا تسلیت
باشلاندی عزا و محنت
داش اولسادا قان آغلادار
قلبی ، غم آل عصمت
گنه ده حسینون یاسی هریرده بپا اولدی
گنه ده اورکلر داغلانوب قان یاش گوزه دولدی
سالدی زهرا_ عرشه غوغا
گوزیاشلاری _ اولدی دریا(2)
.
.
.
اکباده گنه غم گلدی
گوزدولدی یوزه نم گلدی
سالدی باشا قاره زهرا
چون ماه محرم گلدی
گنه ده حسینیم وای سسی افلاکه قوزاندی
گنه ده شرار غصه و غمده اورک یاندی
سالدی زهرا _ عرشه غوغا
گوزیاشلاری _ اولدی دریا (2)
.
.
.
یاندی گنه شمع ماتم
توش اولدی غمه دو عالم
ویر دیلا در رضوانه
بو آی گنه قاره پرچم
گنه ده بهشتین باغلاری ماتم سرا اولدی
گنه جنت ایچره حوریلر غرق نوا اولدی
سالدی زهرا _ عرشه غوغا
گوزیاشلاری _ اولدی دریا (2)
.
.
.
بو درده مگر وار چاره
قلبی هر ایل ایلور یاره
عرشه گنه عرشین اهلی
چکدیله سراسر قاره
گنه ده ملکلر غصه دن یکسر باتوب یاسه
قورولوب عزا بزمی سماده قولسوز عباسه
سالدی زهرا _ عرشه غوغا
گوزیاشلاری _ اولدی دریا (2)
.
.
.
گوزلر نجه قان آغلاماز
غم سینه لری داغلاماز
رخسارینه چشم شیعه
گوزیاشی نجه باغلاماز
بو جمال اصغر گل مثالی سولدوقی آیدی
بو علی اکبر اربا اربا اولدوقی آیدی
سالدی زهرا _ عرشه غوغا
گوزیاشلاری _ اولدی دریا (2)
.
.
.
#ای_اهل_ولا_تسلیت
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید