ای اولان آفرینشه اصلی هدف علی علی #حیدریه_سیدبشیرحسینی

مدح و میلادیه حضرت امیرالمومنین (ع)
.
✍️ #زبدةالاشعار ✍️
.
🆔: @nohe_torki
.
سیدبشیرحسینی میانجی
.
ای اولان آفرینشه اصلی هدف علی علی
خلقی چکن محبّتی حقّه طرف علی علی
.
آدیوی ذکر ائدنده من قلبیم ائوی صفالَنیر
بذل و کرم دنیزی سن کان شرف علی علی
.
ماه رجبده شیعه لر شادلیق ائده لّه شوریله
کلّ جهانی دولدورار شور و شعف علی علی
.
اوچ گونی لطف حقّیدن سن آنادان اولان زمان
گوهر جسمیوه اولوب کعبه صدف علی علی
.
یوسف حُسن و جاه سن مشتری دور خدا سنه
باخ منه ده کی گلموشم الده کلف علی علی
.
کیمدی چاتا جلالیوه باخماقا گول جمالیوه
گلدی فرشته لر او گون ویردلا صف علی علی
.
شیعه اودور کی جشنوزه گلسه ادبله اگلشه
باخمیا هر ادبسیزه ویرمیا کف علی علی
.
کیمسه سنی چوخ ایستسه آلله اونی چوخ ایستییر
یوخسا بو دهریده اولار عمری تلف علی علی
.
عشقیویلن ئولن زمان ئولسم اگر نه غم واریم
قبریده سس گلر منه «ولاتَخف» علی علی
.
دوزلو ائدوب گوزل آدون شعر بشیری برملا
سنله تاپوبدی قیمتین دُرّ نجف علی علی
.
.
.
📣اجرا با صدای سید جلیل القدر ، سید بشیر حسینی میانجی
.
#حیدریه_مدح
#حیدریه_میلادیه
#ای_اولان_آفرینشه_اصلی_هدف_علی_علی
#سیدبشیرحسینی
#ترکی
.
✍️ #زبدةالاشعار ✍️
.
🆔: @nohe_torki