چنگ توسل به حضرت اباعبدالله الحسین (ع)
..
..
شمس عطار اردبیلی
..
..
ای اولان الله یولوندا تشنه قربان اَلدَّخیل
گلموشوک درگاهوه ای شاه عطشان اَلدَّخیل
..
..
ای باتان کرب وبلاده ظلمیله اوز قانینه
پیکر پاکی دوشن باشسیز بلا میدانینه
ای دگن دورت مین یارا بیر سینه ی سوزانینه
ای قوری یرلرده لب تشنه وئرن جان اَلدَّخیل
..
..
ای قولی باغلی گزن اهل و عیالی چوللری
ای گئدن شامه جدالرده سرِ پُر انوری
ای قالان اوچ گون قوری یرده کفن سیز پیکری
ای اولان کافوری خاک و غسلى القان اَلدَّخیل
..
..
ایها المظلوم مظلوم ای شهید ابن شهید
یا قتیل العبره مذبوح من حبل الورید
وردی بو بیچاره لر دامانوه چنگ امید
ناامید ائتمه امان ای كان احسان اَلدَّخیل
..
..
جانیمیز قربان اولا یتمیش ایکی قربانوه
چکمرم ال سندن آند اولسون مبارک جانوه
ویرموشوق دست توسل او گوزل دامانوه
بو الیم بو اختیارون کس بو دامان اَلدَّخیل
..
..
ای گندن قانلی باشی بزم قماره یا حسین
بی مدارایوق بیزه سن ایله چاره یاحسین
شیعه لر احوالینه بیر قیل نظاره یاحسین
سندن اوتری اولموشوق چاک گریبان اَلدَّخیل
..
..
ای کنار نهر علقمده قولی تندن جدا
ای علمدار رشید پادشاه کربلا
غیرتون قربانی یا عباس ابن مرتضا
ای دوشن قولسوز فرات اوستونده عطشان اَلدَّخیل
..
..
خلقی دوتمش بو بلادن خوف و وحشت یاعلی
وقتیدور مردانه ایله بیر حمایت یاعلی
مرد و زن خوفه دوشوب اولدی قیامت یاعلی
یا علی المرتضی ای شاه مردان اَلدَّخیل
..
..
ای باتان محراب ایچینده ظلمیله اوز قانینه
باغلانان قوللاری بیر گبرون جفا فرمانینه
چکمروک آل سندن آند اولسون حسینون جانینه
ایله سن بو درد بی درمانه درمان اَلدَّخیل
..
..
باده ی توحید ایچوبدور «شمس» مستوندور سنون
من نه تنها هر دو عالم پای بستوندور سنون
اردبیل اهلین بلا دوتسا شکستوندور سنون
اَلدَّخیل ای گوشوار عرش رحمان اَلدَّخیل
..
..
#حسینیه #شمس_عطار_اردبیلی
#حسینیه_مدح #حسینیه_شهادت
#ای_اولان_الله_یولوندا_تشنه_قربان_الدخیل
#ترکی #زبدةالاشعار
نظر دهید