در جلالت بانوی دو عالم حضرت صدیقه کبری سلام الله علیها
.
✍️ #زبدةالاشعار ✍️
.
🆔: @nohe_torki
.
محمدرضا صادقی
.
ای اولان اوز دینینه قربان خانم یا فاطمه
جدینه گیزلین گئدن مهمان خانم یا فاطمه
.
.
سن او بانوسن گلوبدور سوره کوثر سنه
تکجه کفون مرتضادور کی اولوب همسر سنه
سن اوبانوسن بیان ایلردی پیغمبر سنه
جان طاها جانیوه قربان خانم یا فاطمه
.
.
سن او بانوسن اولوبسان عرش و فرشه آبرو
آدیوی ذکر ایلین آلسون گرک بی شک وضو
سن خانم ایوده دوتوبسان شخص نابینایه رو
ای حیانی ایلین حیران خانم یا فاطمه
.
.
س او بانوسن کی علتسن تمام علته
سن دلیل اولدون یتیشسون کل خلقت خلقته
ما ملک مبهوتیدور سنده اولان شخصیته
جبرئیل ایلر اوزی اذعان خانم یافاطمه
.
.
سن او بانوسن کی آچدون هر دعایه تا لبون
شبهه سیز چاتدی مقام استجابه مطلبون
بیر گئجه یتمیش نفر تا گوردولر چادر شبون
گتدیلر دینه هامی ایمان خانم یافاطمه
.
.
سن او بانوسن قیامتده شفاعت سنده دور
بانوان عالمین ایچره جلالت سنده دور
نوریوه مشتق اولوب نورامامت سنده دور
جبرئیل اولموش سنه دربان خانم یا فاطمه
.
.
سن او بانوسن جلال کبریایی سنده دور
سن او بانوسن مقام انبیایی سنده دور
سن او بانوسن که نور اولیایی سنده دور
شانیوه یوخدور یازام عنوان خانم یافاطمه
.
.
« بضعة منی » مکرر سویلیوب طاها سنه
جمله « ام ابیها » چوخ دیوب زهرا سنه
افتخار ایلردی عمرونده شه بطحا سنه
عرضیمه کوثر گلوب برهان خانم یا فاطمه
.
.
تا آتان گوز یومدی دنیادن گلوب قوم دغا
اود ووروبلار درگهون شعله چکوبدور برملا
هم بالان سقط اولدی هم پهلولرین اولدی یارا
ثانی ائتدی قانیوه غلطان خانم یا فاطمه
.
.
سسلدون گل فضه داده ظلم طوفان ایلدی
اود ووروب قنفذ قاپون یانماقدا طغیان ایلدی
عهدیده بکریله ثانی نقض پیمان ایلدی
وئردیلر آز عمریوه پایان خانم یا فاطمه
.
.
ای چکن امواج غمدن هر غریقی ساحله
« صادقی » کشتیسی اگلشمیش عجیبه بیر گله
لطف اوزیله آند وئرم باخ اوزون بو مشگله
حل ائله چون سنده وار امکان خانم یا فاطمه
.
.
.
#فاطمیه_مدح
#فاطمیه_شهادت
#ای_اولان_اوز_دینینه_قربان_خانم_یافاطمه
#محمدرضاصادقی
#ترکی
.
✍️ #زبدةالاشعار✍️
.
🆔: @nohe_torki
نظر دهید