ای اولان دنیاده شان و منصبی شایان خانیم #حضرت_معصومه_رمضانی_خاکی

مدح حضرت معصومه (س)
.
✍️ زبدة الاشعار ✍️
.
🆔: @nohe_torki
.
حاج روح اله رمضانی
.
ای اولان دنیاده شان و منصبی شایان خانیم
جده سی زهرا کیمی محبوبه ی جانان خانیم
.
.
بیلمورم معصومه یاکی من سنه زهرا دییم
سرورنسوان و یاانسیه حورا دییم
هاجرو آسیه یاکی مریم و سارا دییم
ایلیوبدی گورنجه شانون منی حیران خانیم
.
.
ای حیا گنجینه سی ثابت اولوبدی عالمه
خلق و خو ده بیرفقط سن سن ایکیمجی فاطمه
آستانونده کنیز لیک آرزودی مریمه
فخر ائدر عیساسیده اولسون سنه دربان خانیم
.
.
یوخدی دارفانیده سن تک رفیع المرتبه
گنبدون جلوه وئرور گویلرده ماه و کوکبه
گورمدی بلقیس اوزونده بوجلال و دبدبه
باشدی قارداشون رضا ده مین سلیمانان خانیم
.
.
بو حدیثی عالمه ایلوب بیان ابن الرضا
معرفتله قبروه هرکیم گلوب زائر اولا
ایلییر واجب بهشتی خالق یکتا اونا
سنده دی گویا جواز روضه رضوان خانیم
.
.
سن قما ویردون صفا خاک خراسانه رضا
ایرانین توز تپراقین ائتدوز مثال کیمیا
ایلیوبسن قم دیارین خانه ی آل عبا
پنج تن قمدا سنه حتما اولور مهمان خانیم
.
.
سن قوما وارد اولاندا باشوه گل سپدی لر
باملر دن کوچه و بازاره سنبل سپدی لر
کوفیه زینب گدنده باشینه کول سپدی لر
سن اوزونده زینبه قان آغلوسان هر آن خانیم
.
.
#سبک_زینبم_جان_اوستیم (4 سبک)
.
.
#حضرت_معصومه_مدح
#ای_اولان_دنیاده_شان_و_منصبی_شایان_خانیم
#رمضانی_خاکی
#ترکی
.
✍️ #زبدةالاشعار ✍️
.
🆔: @nohe_torki