زبانحال حضرت زینب (س) در #قتلگاه
✍️ #زبدةالاشعار ✍️
.
🆔: @nohe_torki
.
#سبک_ای_ویرن_ویرانه_یرده … 4 سبک
.
مرحوم صادق تائب تبریزی
.
ای اولان دین اوسته قربان جان ویرن عطشان حسینیم
سن کیمی قربانه اولسون زینبون قربان حسینیم
.
.
سن لب دریاده دوشدون تشنه لب آلقانه غلطان
بو مقدس قانون آخدی اولدی رنگین خاک میدان
شوره زار کربلانی ایتدون اسلامی گلستان
گلشن اولماز بو صفاده خسرو خوبان حسینیم
.
.
طعن ایدر هر لاله زاره کربلانین لاله زاری
قانیله بو لاله زار دین اولوبدور آبیاری
حشره تک یتمز خزانه بو گلستانین بهاری
واردی دوران بهاری واردی تا دوران حسینیم
.
.
مصرع پاکوندی قارداش بیله آلقانیله دولموش
یا گلستان صفادور وَرد خندانیله دولموش
سربسر دامان صحرا عطر و ریحانیله دولموش
زینبون اولسون بو جانبخش عطریوه قربان حسینیم
.
.
مشگ اگر جان اولسا قارداش سن اونا روح و روانسان
عطرلر یکسر عرضدور جوهر بی غش جانسان
قوی دیوم بی پرده قارداش سن گل باغ جنانسان
جانوین جانلار فداسی ای منه جانان حسینیم
.
.
ای دوزن عشق عالمینده هر بلالی سر نوشته
طینت پاکی اولان ای عطر جنّتله سرشته
هاردا سن اولسان دونر بیر با صفا باغ بهشته
ای صفالی قتلگاهی گلشن رضوان حسینیم
.
.
سن بو دینی گلستانین دلشکسته باغبانی
منده یورقون پر شکسته عندلیب داستانی
دلده ناله سیر قیللام گلستان کربلانی
اوخشارام هم باغبانه هم گله هر آن حسینیم
.
.
داغلارام قلب جهانی غنچه تک دل داغلاماقدان
اولمارام خسته عذاره اشک حسرت باغلاماقدان
بسکه چوخدی درد و غصه م دویمارام من آغلاماقدان
آغلاسام حقّیمدی اولسام تا وارام گریان حسینیم
.
.
نقش ایدر رخسار زرده یوزده کی بو قانیاش ایوای
من حجازی نغمه سیله سسلرم وای قارداش ایوای
من دیدیقجا قارداش ایوای سسلنر بو داغ داش ایوای
آغلاسا حقدور غمینده عالم امکان حسینیم
.
.
سن کیمی هانسی غریبی سالدیلار آیری ائلیندن
ایتدیلر محجور جبراً گلستانیندن گولیندن
هاردا وار بیر باجی من تک قارداشی گتسون الیندن
قارداشیم الدن گیدوبدور قالمیشام نالان حسینیم
.
.
عاشق دلداده آتماز با وفا جانانی گئتمز
گلستانیندن اَل اوزمز بلبل خوشخوانی گئتمز
ترک ایدوب زینب اوزی بو پیکر خندانی گئتمز
ترک ایدر جبراً سنی بو خانه سی ویران حسینیم
.
.
گوزلریم تک هیچ بیر ابرین بارش بارانی یوخدور
دوشموشم بیر درده قارداش دردیمین درمانی یوخدور
آغلاسون زینب دویونجا فرصت و امکانی یوخدور
ناله مه مانع اولاللار فرقۀ عدوان حسینیم
.
.
ایتمه سه شیون عزالی سینه دن نسگل بوشالماز
آچماسا انگشت ناله عقدۀ مشگل بوشالماز
سس چکوب آغلاشمیونجه غم آزالماز دل بوشالماز
آخماسا گوز یاشی سونمز سینۀ سوزان حسینیم
.
.
بلبل شوریده دونمز صحن گلشندن یارالی
لطفووی کسسنده دویسان سن اگر مندن یارالی
دوزمرم من دونمرم من دویمارام سندن یارالی
سن گُل توحید سن من بلبل خوشخوان حسینیم
.
.
شعلۀ شمع وفایه من اولوب پروانه یاننام
نعشون اطرافین یارالی آغلارام یاننام دولاننام
گه دولاننام گه دایاننام اشک خونیله بویاننام
قانلی گوز یاشیله قیللام توپراقی الوان حسینیم
.
.
ای منیم آرام جانیم جسمیده روحیم اویاندور
یاتما قانلو توپراق اوسته روح مجروحیم اویاندور
موج اشگیم باشدان آشدی با وفا نوحیم اویاندور
آز قالور کشتی صبریم غرق ایده طوفان حسینیم
.
.
قول قانادسیز بیر قوشام من اودلانوبدور آشیانیم
قالمیشام آواره یوخدور آشیانیم خانمانیم
قورماقا خرگه هارام وار بیر یره گلمز گمانیم
اولموشام دنیاده سنسیز گور نه سرگردان حسینیم
.
.
نه امان قالماقه وار نه فرصتیم گفت و شنیده
دیدیوه گلدیم یول اوسته ای بتوله نور دیده
ایلسن دیده عوض سن شامیده گل باز دیده
زینبه مسکن اولاندا گوشۀ ویران حسینیم
.
.
بو گُل اوزلی قیزلاریله اوردا سینه داغلارام من
بو رقیّه نوحه باشلار شیونیله آغلارام من
بسکه گوزدن سیل اشکی توپراق اوسته باغلارام من
ایلروخ کاخ یزیدی خاکیله یکسان حسینیم
.
.
خادم یک دلدی «تائب» دلده ویرمز دل دو مهره
هر نقدر تنقید قیلسا مردم سست و دو چهره
سست ایمانه باش اگمز باش اوجالدار ماه مهره
چون سنون تاپموش قاپوندا عزّت شایان حسینیم
.
.
#حسینیه_شهادت
#ای_اولان_دین_اوسته_قربان_جان_ویرن_عطشان_حسینیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید