زبدةالاشعار

ای اولان شیر خدانون دختر با عفتی #زینبیه_رمضانی_خاکی

زینب سلام اولسون سنه
.
✍️ زبدة الاشعار ✍️
.
🆔: @nohe_torki
.
رمضانی (خاکی )
.
.
ای اولان شیر خدانون دختر با عفتی
ای سالان آوازه شرق وغربه شان و شوکتی
ای سلیمانی ائدن حیران جلال و حشمتی
ای وئرن عشقه بها زینب سلام اولسون سنه
قهرمان کربلا زینب سلام اولسون سنه
.
.
.
چشم غبطیله باخور اجلالوه حورو ملک
افخاریله سنه تعظیم ائدر چرخ فلک
واریقینیم سسلنوللر انبیالر تک به تک
ای عزیز مصطفی زینب سلام اولسون سنه
قهرمان کربلا زینب سلام اولسون سنه
.
.
.
توتیای چشم حورادی غبار مقدمون
وار یری حیران ائده عقل مسیحانی دمون
اهل عالمدی سنون سایه نشین پرچمون
ای پناه ماسوا زینب سلام اولسون سنه
قهرمان کربلا زینب سلام اولسون سنه

متن پیشنهادی:  آی منیم ارزنده وزیریم #عباسیه_شایان_ارومیه

.
.
گورمیوب امثالوی چشم زمان گورمز
یقین
سیندیران ای لحن گیراسی یزیدین گردنین
چیگنوه آلدون اباالفضل رشیدین پرچمین
ای اولان صاحب لوا زینب سلام اولسون سنه
قهرمان کربلا زینب سلام اولسون سنه
.
.
.
ای اسارت وقتی دین حقی احیا ایلین
دشمنان اهل بیتی خوارو رسوا ایلین
خطبه ایراد ایلین ساعتده غوغا ایلین
حامی آل عبا زینب سلام اولسون سنه
قهرمان کربلا زینب سلام اولسون سنه
.
.
.
ای آدی زینت اولان مولا علینون آدینه
تیشه ویردون کاخ ظلمون سن خانیم بنیادینه
دین اسلامون یتشدون دمبدم فریادینه
سسلرم هریرده یا زینب سلام اولسون سنه
قهرمان کربلا زینب سلام اولسون سنه
.
.
.
خلقه روشندی بیلیر بو مطلبی اهل ولا
سن دیریتدون قانلاری ای دختر شیرخدا
اولماسیدون سن قالار دی کربلاده کربلا
آدوه جانیم فدا زینب سلام اولسون سنه
قهرمان کربلا زینب سلام اولسون سنه
.
.
.
ای اولان دنیاده هم پیمان حسین قارداشینه
تنگ و تار ائتدون جهانی عالمین اوباشینه
سن یزید ظالمین تختین چویوردون باشینه
دختر شیر خدا زینب سلام اولسون سنه
قهرمان کربلا زینب سلام اولسون سنه
.
.
.
غیضیله دوردون ایاقه باشینه کول الدون
مجلسینده طلقا زاده یزیده سولدون
بوکولن قدی اوجاتدون گنه طوفان الدون
سسلدی اهل سما زینب سلام اولسون سنه
قهرمان کربلا زینب سلام اولسون سنه
.
.
.
.
هرکیمون قلبینده اولسا درد جانسوزو نهان
مین امیدیله گلوب دردین سنه ایلر بیان
دوشدی یادیمه گنه فرمایش صاحب زمان
قوی دییم درده دوا زینب سلام اولسون
قهرمان کربلا زینب سلام اولسون سنه
.
.
.
عشقوی سن ایستدون سرتاسر عالم بیله
ترک یثرب ایلدون دوشدون خانیم چولدن چوله
وای حسینیم وای دئدون ویردون باشوی محمله
مونس آه و نوا زینب سلام اولسون سنه
قهرمان کربلا زینب سلام اولسون سنه
.
.

متن پیشنهادی:  صبا حسینه خبر وئر رقیه جان وئردی #حضرت_رقیه_ابراهیم_قبله

#زینبیه_مدح
#ای_اولان_شیر_خدانون_دختر_با_عفتی
#رمضانی_خاکی
#ترکی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی