ای اولان محبوبۀ خلّاقِ خلقت فاطمه! #فاطمیه_سیدبشیرحسینی

زبان حال امیرالمومنین(ع)
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم (4 سبک سینه و زنجیر تک ضرب ) سبک ها : زینبم جان اوستیم جانانی گوزلر گوزلریم … یه سوال دارم مگر ما دل نداریم ای خدا … گل اوتور خیمه ده اکبر باشیوا من دولانیم … کس منیم ظلمیله ای حارث کافر باشیمی ( تک ضرب زنجیر ) … اذن ویر یا رب گله مهدی امید هل اتی …
.
.
سید بشیر حسینی میانجی
.
.
ای اولان محبوبۀ خلّاقِ خلقت فاطمه!
بو عم اوغلون مرتضایه قیل وصیّت فاطمه!
امریوه ای بی بَدَل!
ایلرم بیربیر عمل
فاطمه یا فاطمه! (2)
.
.
.
ای اولان حُجب و حیاسی دهریده ضرب المثل!
قُوی دییم ایندی کی گلمیش جان آلاپیک اجل
گؤرمه دیم سندن گؤزلّیکدن صورا هئچ بیر عمل
چوخ گئجه صبحه کیمی ائتدون عبادت فاطمه
سن علی نی قیل حلال
ممکن اولسا گئتمه قال
فاطمه یا فاطمه! (2)
.
.
.
چوخ جفا ائتدی پیمبردن صورا دونان سنه
من بونا یانّام ئولونجه تاپمادیم درمان سنه
یومما آغلار گؤزلریوی، گؤزلریم قربان سنه
گؤزلرونده گؤرسنور لطف و محبّت فاطمه
آغلیار دائم گؤزوم
هجریوه یوخدور دؤزوم
فاطمه یا فاطمه! (2)
.
.
.
شمع تک سسیز سیزیلدار زینب، ای عالی سِیَر!
چوخ گئجه یاتماز هم آغلار هم چالار لای لای دییر
الّی ایل یاسدان چیخانماز آغلیار قاره گییر
تا ئولونجه چکمز ال اؤندان مصیبت فاطمه
آغلاسا کیم زینبه
تئز تاپار ال مطلبه
فاطمه یا فاطمه! (2)
.
.
.
ماتمونده گؤزیاشین رخساریوه باغلار «بشیر»
آتش آهیله قلبین دم به دم داغلار «بشیر»
بو جوان ئولماقیوی یاده سالیب آغلار «بشیر»
وئر اؤنا مرثیّه یازماقه لیاقت فاطمه
سؤزلری دیل دن گلیر
گؤزیاشین گؤزدن الیر
فاطمه یا فاطمه! (2)
.
.
.
#فاطمیه_شهادت
#ای_اولان_محبوبه_خلاق_خلقت_فاطمه
#سیدبشیرحسینی
#ترکی
.
✍️ #زبدةالاشعار ✍️
.
🆔: @nohe_torki