ای اولان منِ زاره یار مهربان عمه #راه_شام_غمناک_تبریزی

راه شام
از ناقه افتادن حضرت رقیه علیهاسلام
.
✍️ #زبدةالاشعار ✍️
.
🆔: @nohe_torki
.
مرحوم غمناک تبریزی
.
ای اولان منِ زاره یار مهربان عمه
ناقه دن دوشوب قالدیم گیتمه بیر دایان عمه
گیتمه بیر دایان عمه
.
من کیمی گوروم شمرون بخت طالعی باتسون
عزّتی گیدوب الدن دردو مِحنته باتسون
چون قویوب خیالینه گون به گون بیزی آتسون
عترت پیمبردن قالماسون نشان عمه
.
دردوغصّه دن دائم من سنی اوساندوردوم
هر زمان غم و دردو مِحنتیله یاندوردوم
سسلیوب بابام باشین نیزده دایاندوردوم
قویماسون دایاندورسون گتسه کاروان عمه
.
کاروان گیدوب دورماز دم به دم ایترگوزدن
خوف آلوربوجانیمی اشک ترگیدرگوزدن
یا بیری یتیم اولسا عمه تز دوشرگوزدن
سالموسان منی گوزدن یوخسا ناتوان عمه
.
رحم قیل بوبی یاره گیتدی کاروان قالدیم
دادیمه یتن یوخدی باغریم اولدی قان قالدیم
من سنه اولوم قربان گیتمه عمه جان قالدیم
گیتمسین بیور آخر بیرجه کاروان عمه
.
من کیمی یقین ایمدی زارو ناتوان اولماز
اود دوتوب یانور جانیم حالیمه یانان اولماز
یا بیری یتیم اولسا آختاروب تاپان اولماز
گورمنی یتیمی بیر یوخدور آختاران عمه
.
وای بو قاره بختیم وای مِحنَت نهانیم وای
ایل لرآیریسی اولدیم وای غریب جانیم وای
بیرقناد سیز قوش تک قالدیم آشیانیم وای
کیم ویرور منه آب و دانه الامان عمه
.
با خبردگول مندن یوخسا قارداشیم اکبر
بولموری بوچوللرده قالموشام من مضطر
جانمی آلوب وحشت برگ بید تک تیترر
قورخودان یقین اُولّم ایمدی بیرزمان عمه
.
.
ای اولان منه (غمناک) آغلا سینوی داغلا
صبرناقه سین ساخلا بار دردیمی باغلا
گیت یتور اوزون عمم زینبه دیوب آغلا
دی منیم دلیمجه سن گیتمه بیر دایان عمه
.
.
.
#راه_شام_غمناک_تبریزی
#ای_اولان_من_زاره_یار_مهربان_عمه
#ترکی
.
✍️ #زبدةالاشعار ✍️
.
🆔: @nohe_torki