#یا_امام_زمان_ادرکنا
.
✍️ زبدة الاشعار ✍️
.
🆔: @nohe_torki
.
مرحوم #تائب_تبریزی
.
ای اولان کل عالمه مولا
یا امام زمان ادرکنا
اوزی مولا گوزل سوزی اولا
یا امام زمان ادرکنا
یا امام زمان ادرکنا
.
.
داده یت صبریمیز تمام اولدی
مشرکین مقضى المرام اولدی
اهل اسلام قتل عام اولدی
ال آچوبلار یهود و هم ترسا
یا امام زمان ادرکنا
.
.
سن فساد عالمین صلاح ایده سن
هر گره اولسا افتتاح ایده سن
لطف هر شام و هر صباح ایده سن
قالدی یکسر گره ده اهل ولا
یا امام زمان ادرکنا
.
.
غملی دنیاده گولموری یوزوموز
انتظاروون سوزی اولوب سوزوموز
سن گلن یولدا دور بیزیم گوزوموز
گل گلن یوللاریوا شیعه فدا
یا امام زمان ادرکنا
.
.
گُل یوزون پرده دن عیان ایله
گَل بو دنیانی گلستان ایله
عالم پیری گل جوان ایله
قوجا دنیانی چولقیوب غوغا
یا امام زمان ادرکنا
.
.
ای سرافرازی جوان مردان
با هدف مَفخر جهان گردان
اهل اسلام اولوبدی سرگردان
دولانولّار بدون راه نما
یا امام زمان ادرکنا
.
.
سنه خاطر ولى ذات خدا
رزق و روزی تا پالّا کل وَرا
اولی ثابت تمام ارض وسما
سنه محتاجدور هامی دنیا
یا امام زمان ادرکنا
.
.
ناامیدون رجاسی سنسن سن
خلق مشکل گشاسی سنسن سن
آقالارین آقاسی سنسن سن
آقالیقلا آقالیق ایت مولا
یا امام زمان ادرکنا
.
.
قوم بیداد چوخ ایدوب بیداد
دادگر یوخ اسیر اولار آزاد
هر طرف مسلمین چکر فریاد
اولارا یوخدی ملجاء و مأوا
یا امام زمان ادرکنا
.
.
درس آلوب مکتب جهالَتدَن
دولدوروبلار جهانی بدعتدن
یوخ خبر عدلدن عدالتدن
عدل کُشلوق ایدولَّه بی پروا
یا امام زمان ادرکنا
.
.
نولی نیرووی آشکار ایده سن
ظلم ایوین محو و تار و مار ایده سن
عدلی دنیا ده برقرار ایده سن
ایاق آلتندا قالدیلار ضعفا
یا امام زمان ادرکنا
.
.
گر بیان اولسا واردی چوخ سوزلر
دلده زیبا آدون دولار گوزلر
بیر جهان مصلح جهان گوزلر
جمله مظلوم لر ایدلَّه نوا
یا امام زمان ادرکنا
.
.
نه اولار ظلم رشته سین قراسان
پرچم عدلی هریره وراسان
گَردَن اهل ظلمی سندیراسان
چوخ بیزی سندیروبلار اهل جفا
یا امام زمان ادرکنا
.
.
نولی رحمت هُماسی پر چالاسان
عالمه سایۀ هما سالاسان
جدّیوین قانینی گلوب آلاسان
طالب خون شاه کرب و بلا
یا امام زمان ادرکنا
.
.
مهر تابان حجاب غیبتده
اهل دنیا جهان ظلمتده
هامی سرگشته تیهِ حیرتده
سنی گوزلَلَّـه دللرینده نوا
یا امام زمان ادرکنا
.
.
واردی دللرده گج قالان گله جاق
خرمن کفره اود سالان گله جاق
شهدا قانلارین آلان گله جاق
گوزوموز قالدى سن گلن یولدا
یا امام زمان ادرکنا
.
.
باد کفریله باغ دین سولدی
یاندی گللر هَزاره لال اولدی
گلشنه زاغیله زغن دولدی
دوندی گلزاری گرد درد و بلا
یا امام زمان ادرکنا
.
.
غرقه اسلام وبحر کفر آراسی
شیعه گتسون هارایه وار هاراسی
بی حیالر ووروللا دل یاراسی
گل اؤزون الده مرهمیله دوا
یا امام زمان ادرکنا
.
.
رَتل قرآن اولوب غزلخوانی
اوخیوب آنلاموللا معنانی
الده قرآن دانوللا قرآنی
هم حجاب آیه سین دوتوللا هبا
یا امام زمان ادرکنا
.
.
سنده کیم رمز آزمایش وار
گورنجه جهلده فزایش وار
بزم قرآن ده نمایش وار
واردی صورت و لیک یوخ معنا
یا امام زمان ادرکنا
.
.
بی خبر احمدی وصیتدن
آیرولّار کتابی عترتدن
یوخ خبر صحبت ولایتدن
وار فقط بانگ هی هی وهیها
یا امام زمان ادرکنا
.
.
اوزگه عالمدى محو اولور اوهام
هامو بدنام لر اولور خوشنام
هامو یولدان چخوب سانور اسلام
اهل اسلامی ایتدیلر رسوا
یا امام زمان ادرکنا
.
.
نسخ اولوب رسم دین و دینداری
دولدوروبدور حرام بازاری
ایلر اصنافیمیز رباخواری
سسلنور هر طرفده زنگ ربا
یا امام زمان ادرکنا
.
.
«تائبا» قیل سوزون بویرده تمام
گتورر رسمدور کلامی کلام
قوی حرام خوار لر یسونله حرام
سن صفای دلیله ایله ندا
یا امام زمان ادرکنا
.
.
#مهدیه
#ای_اولان_کل_عالمه_مولا
#ترکی
.
✍️ #زبدةالاشعار ✍️
.
🆔: @nohe_torki
نظر دهید