مناجات حضرت سید الشهداء (ع) هنگام شهادت
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
مرحوم صافی تبریزی
.
ای اوّلِ حالیمدن اولان عالم الهی
بو من بو قوری یر بو منیم حالیم الهی
.
.
خمخانۀ وحدتدن ئوزوم باده پرستم
نه عهد و نه پیمان و نه پیمانه شکستم
ئوز ایلدیقیم عهدیمیلن مست الستم
تا باشه یته جملۀ آمالیم الهی
.
.
بیر یاندا گیدوب طاقت دل اکبریم الدن
بیر یاندا ئولوم جامین ایچوب قاسم اجلدن
عباسیم ئولوب چکمیشم ال جنگ و جدلدن
عالم سن ئوزون کیم ، ندور احوالیم الهی
.
.
بیر یاندا وورار باشه دیر لیلی اوغول وای
بیر یاندا ریابون سوزی لای لای علی لای لای
قویموش گنه یوز خیمیه الده دُهُل و نای
مین ظالمه سرکرده دی بیر ظالم اللهی
.
.
بو عزّت و ذلت بیر اولار اهل یقینه
نه یاده دوشر زینب و کلثوم و سکینه
نه فکره گلور سوزش دل شعلۀ سینه
صد پاره اولان جسمی گورر سالم الهی
.
.
من کعبۀ وصلوندن اُؤتور باغلادیم اِحرام
العفویم اولا قلبه صفا عهدیمه اِبرام
قربانگهه باخ گور نه دوشوب توپراقا اَجرام
باشیمله یتر آخره اعمالیم الهی
.
.
دلخوشدی گویول سنله اودور مایل غمدور
بس که گل آچوب سینه گلستان ارمدور
بیر طایر ذوقم که یریم صحن چمندور
اوج ائتماقا اوخداندی پر و بالیم الهی
.
.
سودای بلا ائتماقا وار تایر عشقیم
مَشّاق وفادن آلینوب سَرخَطِ مَشقیم
بو قانلو باشیمدور سر و سامان دمشقیم
کالای محبّت دی هامو مالیم الهی
.
.
قان توپراق اولوب روحیم ایچون بستر نازیم
راحتدی نقدری دیه سن جای نیازیم
خنجر بدنیم مونسی اوخ محرم رازیم
گورستدی یوزون همت اقبالیم الهی
.
.
آلوده اولور قانیمه چون دامن جلاد
قان آغلار الینده او زمان دیده فولاد
مندن صورا تاراج اولى سجادۀ سجاد
یکسر داغیلور چوللره اطفالیم الهی
.
.
خرگاه یانار باغلانی در ، بوش قالی درگاه
غارت اولی اسباب ملوکانۀ بی شاه
سن سن منه مقصود نه درگاه نه خرگاه
گلمز گوزومه خیمه و خرگاهیم الهی
.
.
نه سو غمی فکریمده دی نه درد مَجاعَت (1)
ئوز عهدیمی تازه ایدرم بیرده بو ساعت
مرسولیم اولار روز جزا نقد شفاعت
قانلو باشیم الده اولا ارسالیم الهی
.
(1)مجاعت = گرسنگی
.
.
#حسینیه_شهادت
#ای_اول_حالیمدن_اولان_عالم_الهی
#صافی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید