ای اَمیر و مالک مُلک ولایت یاعلی #حیدریه

مدح حضرت علی (ع)
.
✍️ #زبدةالاشعار ✍️
.
🆔: @nohe_torki
.
#ستار_رزاقی
.
ای اَمیر و مالک مُلک ولایت یاعلی
مَعنی حُرّیَت و عَدل و عَدالت یاعلی
.
ای وَلی ذات حَق وی شیعَیانه تاج سر
کلّ اهل عالمه نور هدایت یا علی
.
اُسوه ی ایمان و تَقوا معنی صدق وصفا
مَظهر ذُهد و وَرَع روح عبادت یاعلی
.
ساقی کوثر قَسیم نار و جَنَت نور حَق
لَنگَر کون و مَکان شیر شجاعت یاعلی
.
مُحیّیِ اَحکام قرآنِ مُبین و دین حَق
خالقین اَمرین ایدَن دائم اطاعت یاعلی
.
لَشگر دین خدانون با وفا سرلشگری
هَم، وَصیّ ویاور خَتم رسالت یاعلی
.
حُجت پاک خداوند حَق دادارسان
بو سَبَبدن اولموسان صاحب جلالت یاعلی
.
جانّثار اولدون همیشه سَنگر اسلامیده
دینیدن قرآنیدن ایتّدون حمایت یاعلی
.
ایلَدون تیر بَلایه سینَوی دائم سپر
صَحنه هَیجاده گُستردون شهامت یاعلی
.
هر یَتیم و بینوادَن دستگیراولدون،اودور
آدیوی سَسلردیلر کان سَخاوت یاعلی
.
گوز تیکیبدور اهل عالَم هرزمان الطافیوه
چونکی سَنسَن دَهریده بَحر کرامت یاعلی
.
روز شب رَزّاقی ایلوب آدیوی ورد زبان
سَنده لطف ایله اونا ایله عنایت یاعلی
.
آدیوون ذکری عبادتّدور، وَلاکن بی علی
وار یَقین باطلدی هر ذِکر و عبادت یاعلی
.
.
.
#حیدریه_مدح
#ای_امیر_و_مالک_ملک_ولایت_یاعلی
#ستار_رزاقی
#ترکی
.
.
✍️ #زبدةالاشعار ✍️
.
🆔: @nohe_torki