زبانحال حضرت علی (ع) در شهادت حضرت زهرا (س)
.
✍️ زبدة الاشعار ✍️
.
🆔: @nohe_torki
.
#احمدی_صائب
.
ای ایشیق گونی تیره شامدن
دویموسان مگر روزگاردن؟
یا نه یوز ویروب فاطمه سنه
دوشموسن بیله اختیاردن؟
.
.
ای یگانه محبوبه ی خدا
وارثِ نبی صاحبِ ولا
باشون اوسته بیر ایتگلن نظر
گور نه حاله قالموش بو مرتضی
حالتون ایله حالیمی پوزوب
حقّی وار ئولونجه ایده نوا
کاش اجل گله تیز ئوله علی
قوروتولا غم بی شماردن
.
.
قان اولور دلِ غنچه تازه دن
گر بوله بو سوزِ نهانیمی
عندلیب لر نالیه گلور
هر زمان ایشتسه فغانیمی
گللرین دونر قانه شبنمی
گورسه یوزده اشکِ روانیمی
آغلاسون گل اوستنده بلبلی
من کیمی گوروم جورِ خاردن
.
.
قلبیمه قوناندا غبارِ غم
غصه و محن یوز ویرن زمان
بیر سنیدون ای معدنِ وفا
حالیمه یانان دردیمی آلان
گر تاپولسا سندن صورا بیری
آختاروب اورک دردیمی تاپان
چوللره گیدوب ایلسون سراغ
چاهدن و یا کوهساردن
.
.
ای شریک اولان درد و غصّمه
وی آلان اورکدن ملالیمی
آچ گوزون عذاریمده گورگله
سیل تک روان اشکِ آلیمی
نطقه گل دانشدیر عم اوغلووی
آل خبر بو افسرده حالیمی
خوشدی بیله بیر وقته فاطمه
دل غمین آلا یار یاریدن
.
.
آچدی ناگهان دیده ی ترین
میوه ی دلِ ختم مرسلین
گوردی باشی اوسته عم اوغلی سی
نالیه گلوبدی حزین حزین
غصّه دولدوروب قلبِ پاکنی
قوزویوبدی آهسته بیر الین
صورتِ علیدن گلاب تک
دوتدی قطره ی اشک باریدن
.
.
چکدی سینه ی زخمدارینه
تا اله گله دلده کی مرام
گوردی تا بو حالی بتولیدن
علتین سوال ایلدی امام
آچدی دل دلِ انکساریله
اول حبیبه ی حیّ لایَنام
عرض ایدیب ایشتدیم بو مطلبی
من بابام شَهِ تاجداریدن
.
.
هر دلی که اوندا ملال اولا
اشکِ چشمِ مظلوم دواسیدور
یوخ جهاندا مظلوم سن کیمی
عالم اهلینون ادعاسیدور
قطره ی سرشکون بو قلبیمون
هم دواسیدور هم صفاسیدور
رفع اولور بو دم سوزشِ ملال
فاطمه دوشر آه و زاریدن
.
.
آغلاما بیله گلمه شیونه
شیونون منه محنت آرتیرور
اودلی قلبوه فاطمه فدا
اودلانان دلیم رقّت آرتیرور
گوزلریم گورور اشکِ چشموی
باریشنده چون سبقت آرتیرور
اشکِ چشمون دانه سی آلور
آبرو دُرِ آبداریدن
.
.
ای ولی مطلق پیمبره
وی یگانه مظلومِ روزگار
گوردوم ایندی رویاده جدیمی
صورتنده وار گردِ انکسار
گوردی بارِ غم قدّیمی اَگوب
قالمیوب وجودیمده اقتدار
سویلدی قیزیم انتظاروام
تیز منی قوتار انتظاردن
.
.
ای یتن تمام انبیالره
موقعِ شدائدده نصرتی
وی خلایقه واجب و لزوم
طاعتیله مهر و محبتی
باشیمه گوزل وقته سالموسان
سایه ی عطوف و عنایتی
آرزو ایدردیم بو ساعتی
من یگانه پروردگاردن
.
.
التجا ایدوبدی گجه گونوز
مرگین ایستیوب حقّدن بتول
قورتولا غمِ روزگاردن
بلکه بیر جگر گوشه ی رسول
لطف ایدوبدی محبوبینه حبیب
ایلیوب دعاسین بو گون قبول
دعوت ایلیوب ایلیه سفر
فاطمه بو دار و دیاریدن
.
.
بیر نچه وصیت ایدوب خانم
اوز وصی سی شاهِ ولایته
یومدی نرگسی گوزلرین او دم
غرق اولوبدی دریایِ رحمته
شمع سوندی پروانه ی وفا
گلدی تازه دن قلبی رقّته
دود آهی اوج ایلیوب گوگه
اول زمان دلِ اِستناریدن
.
.
فاطمه غمی ایله سلب ایدوب
دلده کی اولان صبر و طاقتین
فاطمه دیرسن که روحدور
جسمدن اونون کسمیش اُلفتین
وار یری دیسم اختیارسیز
قویدی نعشِ زهرایه صورتین
یاندی آغلادی شیون ایلدی
سویلدی دلِ بی قراریدن
.
.
داغ لاله تک داغوی سنون
چکدی سینمه ثانی فاطمه
آغلارام حیاتیم نقدری وار
اوخشارام بو هجرانی فاطمه
اشکمیله لبریز ایدم گرک
کاسه شکیبانی فاطمه
گوزلریم آلا مشق باریشین
هر زماندا ابرِ بهاریدن
.
.
یاعلی اجازه ویر(احمدی)
نوحه ایلسون سن نوا ایله
ماتمنده زهرانون اوخشاسون
آغلاسان اونی بیر دعا ایله
اجر و مزدینه هر نه ایستوری
لطف و مرحمت قیل عطا ایله
نوکروندی چشمِ امیدی وار
سن کیمی غنی شهریاردن
.
#سبک_ساخلا_ناقه_می_کاروانیدن … 8 سبک
.
#فاطمیه_شهادت
#ای_ایشیق_گونی_تیره_شامدن_دویموسان_مگر_روزگاردن
#ترکی
.
✍️ #زبدةالاشعار ✍️
.
🆔: @nohe_torki
نظر دهید