ای بئشینجی امام یا باقر #باقریه_علی_شهودی

مدح حضرت امام محمد باقر علیه السلام
.
✍️ زبدة الاشعار ✍️
.
🆔: @nohe_torki
.
علی شهودی
.
ای بئشینجی امام یا باقر
سنه مینلر سلام یا باقر
.
ای رسولین شبیهی عالمده
ای امام همام یا باقر
.
ای یاران علم و دانیشین باغرین
صاحب اهتمام یا باقر
.
عَلم عِلم الینده عالمده
ائتدین آیری قیام یا باقر
.
کیم سنین تک ائدیبدی دنیاده
توسن علمی رام یا باقر
.
تاپدی سنلن قطار اندیشه
انسجام و نظام یا باقر
.
سنه تک شیعه یوخ کی اهل کتاب
ایلییر احترام یا باقر
.
بیت رحمانی سن طواف ائلدین
سنی رکن و مقام یا باقر
.
سید حمیری کمیت سنی
مدح ائدیبدیر مدام یا باقر
.
من کیمم کیم یازام مدیحه سنه
ای امیر کلام یا باقر
.
آمما عشقین ائدیبدی قلبیمده
چوخلو ایلدیر مقام یا باقر
.
جددینی کیم یزید ائدیبدی شهید
سنی ناکس هشام یا باقر
.
شامین آلامینی ائدنده یاد
آغلارام صبح وشام یاباقر
.
آللاهین ائتدیلر حلالین اوگون
اهل بیته حرام یا باقر
.
گلجک صاحب الزمان مهدی
آلاجاق انتقام یا باقر
.
شیعه نین قلبینین بویوک یاراسی
تاپاجاق التیام یا باقر
.
.
#باقریه_مدح
#ای_بئشینجی_امام_یا_باقر
#علی_شهودی
#ترکی
.
✍️ #زبدةالاشعار ✍️
.
🆔: @nohe_torki