ورود به کربلا
.
✍️ #زبدةالاشعار ✍️
.
🆔: @nohe_torki
.
مرحوم صافی تبریزی
.
ای باجی موسی عشقی گتورور شوره بو یر
کربلا دور آدی فخر ایلیه جک طوره بو یر
.
.
من بو صحرایه باجی گلمه میشم اوز باشیما
وئرمرم نکته سینی هم سنه هم قارداشیما
آغلادور شوق منی باخماگیلان گوز یاشیما
مژده ی وصل وئرور چون دل مهجوره بو یر
.
.
می وحدتله باجی مستیدی یتمیش ایکی جان
گلدی بو عالمه آلدی أو مئی بوردا نشان
بیر کسون گلمز او نشئه باشینا ایچمسه قان
ایچدیرور قان اودی هر تشنه ی مخموره بو یر
.
.
حکم قتلیم یازیلوب محضر جاناندا باجی
اولموشام راضی همان حكمه او میداندا باجی
باش و جانیله وارام من سر پیماندا باجی
چکدیرور قرمزی قاندان خط منشوره بو یر
.
.
وئرمیشم دل باجی باش وئرمگه عباسیمیله
عونیله جعفریله اکبریله قاسمیله
گل نسرینمیله نسترن و یاسیمیله
بیر گلستان اولی هر بلبل پر دوره بو یر
.
.
هوس وصلیله باجی دل شیدا خوش اولور
غم و درده اولا هر باشدا بو سودا خوش اولور
اكبرون قانه بویانماقینه لیلا خوش اولور
یتورور عاشق مهجوری او منظوره بو یر
.
.
الیم اوسته گرک اصغر باجی میدانه گله
تا که نمرودین اوخ آتماقینه عنوان دوزه له
تشنه اوخلانماسا گلمز هامی مقصودیم اله
بیر مبیّن دی همان قصّه ی مشهوره بو یر
.
.
نقد جان الده باجی مجلس یاره گئدرم
چکسه جانان اوزی هر شهر و دیاره گئدرم
اوز کسوک باشیمیله من سر داره گئدرم
پایدار اولماقیمی بیلدیری منصوره بو یر
.
.
آختاروردوم باجی نور اللهیه فیض حضور
گتورن باشه بو شوری دگو جز جلوه ی نور
گئدرم دیر نصارا اولا یا کنج تنور
یتوروبدور منی صد شکر همان نوره بو یر
.
.
بو آی اولدوز که باجی دوره ی مهره دوزولوب
هامی روشندل و افروخته چهره دوزولوب
اولاری که باجی بیر رشته ی مهره دوزولوب
مخزن حاصل اولی هر لؤلؤ منشوره بو یر
.
.
«صافیا» ایلمه بیجا یره تحقیق و بیان
کربلاده اولان اسرار دگل غیره عیان
بو شرافتده یر اولماز اونا لایقدی هر آن
تپراقین سُرمه ائده گر بصر حوره بو یر
.
.
#ورود_کربلا #صافی_تبریزی
#ای_باجی_موسی_عشقی_گتورور_شوره_بو_یر
#ترکی
.
✍️ #زبدةالاشعار ✍️
.
🆔: @nohe_torki
نظر دهید