پندیات
.
✍️ زبدة الاشعار ✍️
?: @nohe_torki
.
ستار رزاقی
.
ای بشر باغلاما بل دهریده خلق اللهه
ایده گمره سنی شاید آپارا بیراهه
.
باغلا امیدیوی هر لحظه حق یکتایه
چونکی پاینده دی کیم تکیه قیلا اللهه
.
چوخلار انسانه وئیرر وعده ولی ایتمز عمل
دوندرر خوش گونووی درد و نوا و آهه
.
جاهل انسانیله دوستلوق ایلمه دنیاده
گوره سن بیرگونی ساتدی سنی پرکاهه
.
بو جهان فانیدی بل باغلامالی یئر دگولی
فرق قویماز ابدا ذره گدا و شاهه
.
خلق بیر گون گوره سن قوزادی افلاکه سنی
ولی بیر گونده آپاردی سنی سالدی چاهه
.
بنده اولماق حقه لاکن ایدر انسانی عزیز
بو عزیزلیق یتیرر بنده نی عز و جاهه
.
واسطه آل عبا درگهیدور خالق ایچون
تاپار عزت قویا اوز کیم بو گوزل درگاهه
.
صدقیله کیم بو مقدس قاپیا یول تاپسا
وار یقین فخر ایده جک دهریده مهر و ماهه
.
اهلبیتون قاپوسی مایه عزتدی بیزه
قصد قربتله گلاخ گر بو زیارتگاهه
.
صادق اولسان عملونده بونی بیل هرلحظه
یول تاپارسان بو گوزل محفل و خلوتگاهه
.
یولچولوقدان قوتاروب شاهلیق ایدر دنیایه
کیم ارادت یتوره محضر آل اللهه
.
خلقیدن ایتمه گلایه بو قدر رزاقی
آزدی تشخیص ویرن چون دوزولن گمراهه
.
ظاهرا دوست ولی باطنی دشمنلردن
ال چکوب .چنگ وور عالم بویی حبل اللهه
.
#پندیات
#ای_بشر_باغلاما_بل_دهریده_خلق_اللهه
#ستار_رزاقی
#ترکی
.
✍️ #زبدةالاشعار ✍️
?: @nohe_torki
نظر دهید