اربعین
.
✍️ زبدة الاشعار ✍️
.
?: @nohe_torki
.
دلغم تبریزی
.
ای بلا چولینده جان ویرن لب عطشان
شامیدن گَتوردوم قیزلارون پریشان
قانلی کوینگون اَلده
وای رقیّه وای دلده
گَلمیشم حسینیم (2)
.
.
.
قیزلارین اوجالموش عرشه آه و واسی
زلفیمی آغاردوب شامیان جفاسی
آچ گوزون اویان دور ای گوزوم ضیاسی
قانلی کوینگون اَلده
وای رقیّه وای دلده
گَلمیشم حسینیم (2)
.
.
.
اوندا که حسینیم شمر شوم و کافر
چَکدی غم قطارین شامه اول ستمگر
ناقه لرده گریان گزمیشم برادر
قانلی کوینگون اَلده
وای رقیّه وای دلده
گَلمیشم حسینیم (2)
.
.
.
ای منای حقده شوقیله ویرن جان
ای اولان عیالی دستگیر عدوان
اربعینه گَلدیم قبرون اوسته گریان
قانلی کوینگون اَلده
وای رقیّه وای دلده
گَلمیشم حسینیم (2)
.
.
.
هر بلایه قارداش صبر ایدوب دایاندیم
باشیوین دالنجا چوللری دولاندیم
رنگ رنگ ظلمه شامیده بویاندیم
قانلی کوینگون اَلده
وای رقیّه وای دلده
گَلمیشم حسینیم (2)
.
.
.
شامیان او گونده ظلمین ایتدی کامل
ویردیلر حسینیم بیر خرابه منزل
یاندورار اُلونجه زینبی بو نسگل
قانلی کوینگون اَلده
وای رقیّه وای دلده
گَلمیشم حسینیم (2)
.
.
.
آلتی آی او یرده گَلمیشم نوایه
طعن ایدردی دشمن آل مصطفایه
روز و شب چخاردی ناله نه سمایه
قانلی کوینگون اَلده
وای رقیّه وای دلده
گَلمیشم حسینیم (2)
.
.
.
آغلاسام سزادی حشر اولونجا قارداش
ویردی جان رقیّه توپراق اوسته قارداش
گورمیوب او حالی من اُلیدیم ای کاش
قانلی کوینگون اَلده
وای رقیّه وای دلده
گَلمیشم حسینیم (2)
.
.
.
گوز یاشیله ویردیم غسل او گُل عذاره
تاپمادیم ولیکن بیر کفن او زاره
کوینَگیله قویدوم نعشینی مزاره
قانلی کوینگون اَلده
وای رقیّه وای دلده
گَلمیشم حسینیم (2)
.
.
.
بو سفرده گرچه چوخ یتوب مصیبت
ایتمیشم ولیکن اهل بیته خدمت
ایلدی رقیّه زینبی خجالت
قانلی کوینگون اَلده
وای رقیّه وای دلده
گَلمیشم حسینیم (2)
.
.
.
.
#سبک_دولدوروب_جهانی
.
.
#اربعین
#ای_بلا_چولینده_جان_ویرن_لب_عطشان
#دلغم_تبریزی
#ترکی
.
✍️ #زبدةالاشعار ✍️
.
?: @nohe_torki
نظر دهید