زبدةالاشعار

ای بو جسم و جان ایچنده جان اولان جانان عم اوغلی #فاطمیه_منصور_تبریزی

شهادت حضرت زهرا (س)
.
✍️ زبدة الاشعار ✍️
.
🆔: @nohe_torki
.
مرحوم #منصور_تبریزی
.
ای بو جسم و جان ایچنده جان اولان جانان عم اوغلی
آز قالورچیخسون کناره جسم و جاندان جان عم اوغلی
.
.
محرم اسرار سنسن بلوسن سر نهانی
چکمیشم من آز زماندا چوخ غم و درد و بلانی
کاش اولا چون خانه دل خانه ویران بو جهانی
ایلدی ویرانه قلبی چون دل ویران عم اوغلی
.
.
گردشیم چرخ جفاده حدی اتمامه یتوشدی
گوندوزوم محنت الینده ظلمت شامه یتوشدی
جام پر زهر مصیبت تلخ اولان کامه یتوشدی
مونسیم اولدی همیشه ناله و افغان عم اوغلی
.
.
گورمدیم خوش گون جهاندا دایم اولدوم مونس غمبار
غمدن سرو قدیم اولدی چون زلف سیه خم
چاره سی یوخدور بو دردین عاقبت حسرتله الم
آتش آهیله یاندی سینه سوزان عم اوغلی
.
.
دوندروب خوش نوبهاری صرصر محنت خزانه
گلشن عمریم سارالدی یتدی غم سرو روانه
لاله تک قان اولدی باغریم نارغمله یانه یانه
دوشدی جسم و جان پاکه آتش هجران عم اوغلی
.
.
جانه گتدی من ضعیفی کینه اهل عداوت
ایریلوق وقتی یتوشدی قالمادی تابیله طاقت
گل حضور پاکه ایلوم عرض حال و کشف حالت
قان اولان گوگلیمده واردور چوخ غم پنهان عم اوغلی
.
.
اودووروب یاندوردی ثانی درگه والایه گوردون
هرنه وار جورو جفالر ایلدی زهرایه گوردون
سیندوروب پهلومی دوشدوم تپراقا چون سایه گوردون
محسنیم سقط اولدی باغریم لخته لخته قان عم اوغلی
.
.
یتمدیم کامه جهاندا حسرتیله چیخدی جانیم
تیز یتیم اولدی حسین و هم حسن ای مهربانیم
زینب و کلثوم قالدی غم الینده همزبانیم
قبرایوینده اولدی درد بیحد و پایان عم اوغلی
.
.
آگهم بو روزگارین هربلا و محنتیندن
وار باشیندا چوخ جفالر زینبین اندوه و غمدن
تاراولارزلف سیه تک گوزلرینده روز روشن
باغرین ایلرقان سراسر کینه عدوان عم اوغلی
.
.
روزعاشورا دیارکربلاده آشکارا
یدی قارداشین ستمله تشنه لب دوغرالا اعدا
سینه سی اوسته قویالار بو حسینین چکمه لی پا
اون ایکی ضربتله باشی ذبح اولار عطشان عم اوغلی
.
.
بیله ظلم اولماز جهاندا هیچ غریب و بی پناهه
حکم ایدر سعد اوغلی لشکر اود وورالار خیمگاهه
یوزقویارآل پیمبر باش آچوق هرسمت و راهه
قولارین باغلارطنابه شمربی ایمان عم اوغلی
.
.
وارنقدری جسم و جاندا رشته جاندان علاقه
دایما سال شور (منصور) شوریله دشت عراقه
بیله عرض حال اولوندی جان یتن وقته تمامه
ای بو جسم و جان ایچنده جان اولان جانان عم اوغلی
.
#سبک_ای_ویرن_ویرانه_یرده … 4 سبک
.
#فاطمیه_شهادت
#ای_بو_جسم_و_جان_ایچنده_جان_اولان_جانان_عم_اوغلی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  آلدی آرایه اکبری بو لشکر ای عقاب #اکبریه_آصف_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی