ای بو فنا جهاندا شاد اولمیان آنام وای #فاطمیه_ذوقی_تبریزی

زبانحال حضرت زینب (س) در شهادت مادر
.
.
مرحوم ذوقی تبریزی
.
.
ای بو فنا جهاندا شاد اولمیان آنام وای
رحلت ایدوب عیالین آغلا قویان آنام وای
.
.
ای کاش انا دونیدی بو گردش زمانه
گتدی سنی مصیبت بو آز زماندا جانه
قالمادی بو جهاندا سندن آنا نشانه
ای قبر پاکی آخر ایتگین اولان آنام وای
.
.
غم مبتلاسی اولدون سن بو جهانه گلدون
جدّون کیمی الوندن دائم فغانه گلدون
یاندی قاپون قابورقان سندی امانه گلدون
سقط اولدی محسنونده ائتدون فغان آنام وای
.
.
سندن ازل ئولیدی کلثوم و زینب ای کاش
بو نوعی اخمییدون گوزدن عذاره قان یاش
آغلار حسن حسینده هر آن آچاندا بیز باش
اولموش بیزی یتیمه ورد زبان آنام وای
.
.
سن کان عصمتیدون پیغمبرون نشانی
یاددان چخارتدی امّت پیغمبر خدانی
قویمادیلار ائوینده سن آغلیان زمانی
صحرالری ئولونجه ائتدون مکان آنام وای
.
.
بولمم ندور جزاسی بو امتون جزاده
پیغمبرین عیالین اینجیتدیلر زیاده
نسگللرون گتوردی من بینوانی داده
ای قدّ نورساسی غمدن کمان انام وای
.
.
آسوده اولمادون بو دنیاده بیر زمان سن
آز سنّلن دایاندون چوخ غملره هر آن سن
نسگللرون اورکده قالدی وئرنده جان سن
وای حسرتی گوگلده گیزلین قالان آنام وای
.
.
حال حیاتون آخر سالدوقجا من خیاله
غم دوره می احاطه ایلر منیم چو هاله
قدّیم منیم دونوبدور غمدن آنا هلاله
اولدوم سنون غمونده من باغریقان آنام وای
.
.
گر چه باشوندا ذوقی بیر اوزگه مشغلن وار
زهرا عزاسیدور بو یاز نوحه اول دل افکار
زینب دلینجه بیرده بو وردی ایله تکرار
ای بو فنا جهاندا شاد اولمیان آنام وای
..
.
#فاطمیه #ذوقی_تبریزی
#فاطمیه_شهادت
#ای_بو_فنا_جهاندا_شاد_اولمیان_آنام_وای
#ترکی
#زبدةالاشعار