ای تاپشوران بو تازه گولون خاره گل بابا #اکبریه_غمناک_تبریزی

استمداد حضرت علی اکبر علیه السلام
.
✍️ #زبدةالاشعار ✍️
.
🆔: @nohe_torki
.
مرحوم غمناک تبریزی
.
ای تاپشوران بو تازه گولون خاره گل بابا
گول تک ایدوبله جسمیمی صد پاره گل بابا
.
یوخ بیرکسیم امان گونی دورتزیتوز اوزون
دشمن الینده قالموشام آواره گل بابا
.
گرچه او جان پاکه جسارتدی زحمتیم
زحمت ویرم گرک سنی بی یاره گل بابا
.
سن ویرموسن بوگون منی قربان گرک اوزون
تا اوز الونله تاپشوراسان یاره گل بابا
.
.
چون گورمگه جمالوی جانیم تک ایسترم
ویرّم بو جانی سن کیمی دلداده گل بابا
.
بو جان سنوندی گل اوزون آل امانتون
راحت اولوم بو دم منی بیچاره گل بابا
.
چون ایسترم زیارت ایدم بیرده گول یوزون
یول باغلانوبدی حیف اولا زواره گل بابا
.
غم ایلمه که من سوسوزام گتدی تشنه لیق
بوتشنۀ وصاله گلوب چاره گل بابا
.
جدیمدی بو یانومدا بابام مرتضی علی
ایلر اشاره بادۀ سرشاره گل بابا
.
حاضردی باشیم اوسته آنام فاطمه دوروب
آغلار آنام یرینه منی زاره گل بابا
.
ایلرخبرغریب آناما اُولدی اکبرون
ویرسرسلامتی او دل افکاره گل بابا
.
ای حامل مطالب اسرار کردگار
(غمناکی) حامل ایله بو اشعاره گل بابا
.
.
#اکبریه_غمناک_تبریزی
#اکبریه_شهادت
#ای_تاپشوران_بو_تازه_گولون_خاره_گل_بابا
#ترکی
.
✍️ #زبدةالاشعار ✍️
.
🆔: @nohe_torki