مناجات
.
✍️ #زبدةالاشعار ✍️
.
🆔: @nohe_torki
.
محمد علی مُصَیّبی تبریزی
.
ای تجلّی بخش حکمت تار و پود عالمه
نیِّر َ المُستوحِشین فِی الظلَم ، بالمَرحَمَه
.
.
خالق شمس الضّحی زینت ده بَدرُالدّجیٰ
قائم ایوان هستی مالک یوم جزا
حافظ لوح وقلم ، قد قامت ارض و سما
سیل ائدن آب حیاتی سلسبیل وزمزمه
.
.
دهره نقاش حقیقی کردگار عالمین
قاضی الحاجات جانان جلوه گاه نشاتین
مغربین ومشرقینه بَسلیَن بس شوروشین
ماه وخورشیدوسحابه دم وئرن بالمَرحَمَهْ
.
.
ایلین اظهار قدرت خلقت انسانیلن
معنوی اعجازینی ابراز ائدن قرآنیلن
آیه آیه سوزلرین شرح ایلین برهانیلن
نصّ قرآنی ائدن دنیایه عالی محکمه
.
.
حمد اولا صاحبقران آسمان اخضره
والی و فرمانروای آستان اغبره
حمد بی حد ناظم گردونه پراخگره
عارف سرّ بشر هم مبتدا هم خاتمه
.
.
بیر اشارتله ائدن هفت آسمانی منتظِم
بیر اشارتله ائدن کل جهانی منهدِم
بیر اشارتله ائدن منصور حربی منهزِم
عشق اولا دنیاده بیله دولت مستحکمه
.
.
بیر باخیشدا خلق ائدن آفاقیده لیل ونهار
موسم طیش وخزان وموقف عیش وبهار
خلق ائدن نورپیمبر،فاطمه ،هشت وچهار
مرحبا خلاقه احسن بیله عالی ناظمه
.
.
آلتی عالم خلق ائدن آفاقیده ، اوّلده ذ ر
بطن مادرعالمی اوندان قاباق صُلب پدر
دوردیمینجی عالم امکاندی وادیِّ هنر
عالم برزخ بشیمجی آلتی مینجی محکمه
.
.
بیر اشارتله بوتون امواتی دهره قیترن
کلّ آفاق و عوالم دور حدود ِ سیطره ن
غائب ِحاضرسن امّا حاضری که لن ترن
قدرت احیا وئرن سن سن فروغ شبنمه
.
.
صاحب حِلّ وضریح و ظلّ و مفتاح و حرم
بانی اعجاز قاف و نون و الواح و قلم
سابق نوش و نِعَم دی دافع نیش و نِقم
ایلین بذل عنایت سوز ِ آه و ناله مه
.
.
قادر مطلق دی آفاقی دوتوبدور قدرتی
قاهر و جبّاردور دریادی امّا رحمتی
کلمة اللهُ هیَ العُلیَا نشان عزّتی
اقتدار و عزتی معنا وئرندور عالمه
.
.
خلق ائدن ئوزلَمْعه سیندن کائناتین اشرفین
مصطفی عشقینده مکتوب ایلین ئوزمصحفین
هم جهانین اولین هم آخرین هم اجوفین
مصطفی اولموش بهانه خلقت بَرّ و یَمَه
.
.
خلق ائدن زهراو حیدرتک فروغ انس و جان
هم حسین و مجتبی تک سیّد و میر جنان
پنج تن عشقینده قلب عالمی چرپیندیران
یوللیَن صلواتینی آل و نبیِّ اعظمه
.
.
جلوه میقاتی جنات العلاده خلق ائدن
محفل طاعاتینی مروه صفاده خلق ائدن
تشت پرخون بلاسین کربلاده خلق ائدن
توپراقین سُرمه ائدن چشم اَجِن ّ وآدمه
.
.
پرتو انوار عشقین نینوایه گُسترن
بیتدیرن قان لُجّه سینده نرگسیلن نسترن
کربلادن عالمه باد صفانی اسدیرن
قلبیلر آمالین عطشان گوندرن نهرعلقمه
.
.
قانلی صحراده احبّای ولانی آزدیران
قلبیلرده حبّ شاه کربلانی قازدیران
دفترعشقین باشیندا اصغرآدین یازدیران
مرحبا پروردگار اشک ومشک وپرچمه
.
.
بیر اشارتله فروغ عشقی عالمتاب ائدن
چارده معصومین عشقین زینت محراب ائدن
مهدی صاحب زمانی شیعیه ارباب ائدن
ارجحیت بیله وئرمیش محرم و نامحرمه
.
.
کِلک قدرتله یازان جنّ و بشر تقدیرینی
لوح حکمتده ائدن ارض و سما تقریرینی
مهدی ِ زهرایه ابلاغ ایلین تحریرینی
واسطُ الرَّحمه ائدن عصرین امامین هردمه
.
.
کهفین اصحابینده قلب کَلبه سالمیش اعتقاد
هم عُزِیرین استریندن گسترن درس معاد
آند اولا آللهه کیم ائتسه بو امریلن عناد
کافر مطلق دی یوخدور نور ایمان بیر نمه
.
.
الغیاث ای پادشاه عرش طیّب الغیاث
الغیاث ای قائم و حیّ و مُهذّب الغیاث
درگهینده بیرنجس ایتدور«مصیّب» الغیاث
یا غیاث المستغیثین قیل نظر بالمرحمه
.
.
#ای_تجلی_بخش_حکمت_تار_و_پود_عالمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید