در مقام حضرت امام رضا (ع)
.
✍️ زبدة الاشعار ✍️
?: @nohe_torki
.
محمدرضا بحری
.
ای جمالون جلوۀ خلاق داور یارضا
ذات پاکون دهریده اللهه مظهر یارضا
.
.
ای مقامات رضاده بی بدیل و بی مثال
ذات پاکون آیت ذات جمیل ذوالجلال
قاف مدحونده ویرا پر طایر طبعیم محال
قالدی مدحونده قیاس و وهم مضطر یارضا
.
.
ای سریر ارتضاده شهریار مستظام
راضی و مرضی خالق مقتدای خاص و عام
نور ذاتوندن خلایق کسب فیض ایلر مدام
مرتهن دور لطفیوه عالم سراسر یارضا
.
.
ای شه مالک رقاب و ای خدیو ارض طوس
والی ملک ولایت شاه اولی بالنفوس
اذن طلعت شمس ،سندن اخذ ایدر شمس الشموش
فخر ایدر پابوسیوه خورشید خاور یارضا
.
.
شرق عالمدن ایدنده جلوه هر گون آفتاب
شرم ایلر گنبد زرفامی گورجاق بی حساب
خجلتیندن سرخ اولار رخسارینه ایستر نقاب
نور آلار نوروندان اولسون نور گستر یارضا
.
.
خلقتوز ای خلقت خلاقیده غایی غرض
جوهر خلقتدی خلقوز عالم و آدم عرض
خاک کویون عاقل ایتمز مین بهشتیله عوض
تربتون رتبتده جنتدن دی برتر یارضا
.
.
پایۀ ادراک شانون فوق دور ادراک دن
کمترین قدرون فزون دور رفعت افلاک دن
کسب نور ایلر ملائک اول مزار پاک دن
آستان بوس حریموندور ملک لر یارضا
.
.
ای جمال انوروندن هر دو عالم مستنیر
قید عشقون ده هامی احرار عالم دور اسیر
ریزه خوار خوان لطفون دهریده خرد و کبیر
لطف و احسانوندی لطف حقه مظهر یارضا
.
.
گل وجودون دور بنای دینه بیر رکن رکین
اهل عالم فضل و احسانوندن اولموش مستعین
شه ،رعایانی ئوزوندن ناامید ایتمز یقین
اولسا مخصوصا اگر شه ، بنده پرور یارضا
.
.
ای ملائک طوف قبرونله جهاندا مفتخر
جود و لطف و رحمت و احسان و فضله مشتهر
رافت خالقدی مهر و رافتوندن جلوه گر
آستانون دور عطای حقه مصدر یارضا
.
.
ای لسان عقل وصف قدر و شانوندن زبون
راز و رمز هشتم پیوند حرف کاف و نون
گورمیوب گورمز نظیرون چشم چرخ نیلگون
اولماز عالمده سیزه بیر کس برابر یارضا
.
.
وجهی وجه الله ای گل عارضون مرآت حق
قول و فعلوندن اولوبدور جلوه گر آیات حق
ایتدی تفویض ولایت شانیوه چون ذات حق
شهلر اولدی درگهونده عبد و چاکر یارضا
.
.
گونده مین یول ایلرم قبرون طوافین آرزو
صحن پاکونده اولا یوزده سرشگیم آب رو
اخذ ایدم اول آب رو دن درگهونده آبرو
قبریوی طوف ایلیم من دیده سی تر یارضا
.
.
نقش اولوبدور قبریوین تصویری مرآت دله
وار فراقوندان نگارا قلبلرده چوخ گله
لطف قیل احسان ایله بو دلشکسته سائله
بیر برات ایله عطا عشاقه یکسر یارضا
.
.
#بحری درمانده یم ای بی پناهانه پناه
نامۀ جرمیم یوزوم تک بارگاهوندا سیاه
ایلسن بو روسیاهه چشم لطفیله نگاه
مسکنیم فردوس اولار ای شاه محشر یارضا
.
.
#رضویه_مدح
#ای_جمالون_جلوه_خلاق_داور_یا_رضا
#بحری #ترکی
.
✍️ #زبدةالاشعار ✍️
?: @nohe_torki
نظر دهید