ای حُجّت حق عالِم وعالَم سنه مایل #مهدیه_عدلی_تبریزی

یا مهدی
#گریز به #کوفه
.
✍️ زبدة الاشعار ✍️
.
🆔: @nohe_torki
.
حاج اصغر فرشچی( عدلی تبریزی)
.
ای حُجّت حق عالِم وعالَم سنه مایل
عالَم سنیلن عالَم اولار خسرو عادل
.
ای مهری اولان شمسة ایوان ولایت
سالسان او گوزل نوریوی ظلمت اولی زایل
.
گل معرکة عدلوی قورحق اله گلسون
مظلومه امان ویرمور آقا فرقة باطل
.
سن حبل متین مُجری احکام خداسن
سنسیز اولا بولمز بو قدر حلّ مسائل
.
دوندردی یوزون چوخلار آقا حکم خدادن
گل امر ایله قرآن یر اوزونده اولا عامل
.
ای محرم اسرار خدا عصرین امامی
دریای شرف جود و کرم علمیده فاضل
.
وار عالمیان ایچره ظهورین اولاجاقدی
اولدی او گوزل ساعته عیسی اوزی قائل
.
تعجیل ایله چوخ منتظرون واردی ظهوره
گل گورسد اوزون ای شه فرخنده خصایل
.
عاشقلرون هر گون سنی سسلور آقاجان گل
سن مُنتَظَره مُنتظِرین عشقیده کامل
.
جرأت تاپوپ اشرار جهاندا اولوب عاصی
سال سایه وی دیوانه لر اوسته اولا عاقل
.
قوی تاج امامت باشا گل طاقت آزالدی
بسدی نقدر هجره دایانسون بو قبایل
.
بایرامدی ولی آغلا بیر آز گو گلون آچولسون
چون آغلاماسان جدّینه گَلمز اَله حاصل
.
گوز یاشیوی جام شوقینه دولدور ایله پنهان
زهرایه آپارحشریده بیر تحفة قابل
.
اول حالته آغلا اُسرا ناقه لر اوسته
بیر عدّه پیاده ایدوری طی منازل
.
باشلار ویرولوب نیزیه همراهی اوشاقلار
بیر آن دیمه زینب بالالاردان اولی غافل
.
شرح ایتموری خامه اُسرایه نه لر اولدی
هرتک تکی دینجلماقا چوخ اولدولا مایل
.
زینب اورگی قانیله دولموشدی او ساعت
باخدی یارالی باشه اودم دیلده تمایل
.
بیردن اوخودی نیزه باشوندا یارلی باش
کهف آیه سین اولموشدی اونون جدّینه نازل
.
بیر قدرت قلب اولدی خانم زینبه گویا
سسلندی فدا عشقوه ای شمس قبایل
.
زینب اولاقربان او گوزل لحنوه قارداش
قرآن اوخی شرمنده اولا دون و ارازل
.
تدریس ایله قرآنی اوخی نوحوی «عدلی»
محشر گونی امداده گلرخسرو عادل
.
.
#مهدیه
#کوفه
#ای_حجت_حق_عالم_و_عالم_سنه_مایل
#عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki