ای خداوند قادر و قهار #مناجات #علی_شهودی

مناجات
.
✍️ #زبدةالاشعار ✍️
.
🆔: @nohe_torki
.
علی شهودی
.
ای خداوند قادر و قهار
یئرگوی ایلر جلالووه اقرار
.
شوکت و اقتدار و قدرتووی
کیم ده وار جرات ایلسین انکار
.
ای یئر آلتدا جوانه نی اویادان
خواب غفلتده ن ائت منی بیدار
.
منه بیر قلب قیل عطا یارب
ایله بیر قلب اولماسین بیمار
.
بیرده اکسیر رحمتینله اوزون
پاک قیل بو جریده ده ن زنگار
.
ایله دنیایه اولموشام مشغول
روزگاریم اولوبدی تیره و تار
.
روسیاهم قاپوندا شرمنده
ایلیرم ایشلریمده ن استغفار
.
غرق بحر گناه و عصیانم
ساحل امنه چک منی ای یار
.
سایه رحمتونده دالدالانیب
مهر و ماه و ستاره و سیار
.
هامی فانی دی باقی بیر سن سن
دولانیر امروویله لیل و نهار
.
.
#ای_خداوند_قادر_و_قهار
#ترکی
.
✍️ #زبدةالاشعار ✍️
.
🆔: @nohe_torki