شهادت حضرت امام رضا علیه السلام
.
✍️ زبدة الاشعار ✍️
.
?: @nohe_torki
.
مرحوم عاصی تبریزی
.
ای خدا جان اوستیم آرام جانیم گلمدی
نولدی بس اوغلوم تقی تازه جوانیم گلمدی
.
.
آخر عمریمده گورورسن دلده یا سبّوحیمی
بو پریشان حالیمیله بو دل مجروحیمی
انتظارم منتظر قویما یتور تئز روحیمی
قالدی تأخیره خدا روح و روانیم گلمدی
.
.
بیر طرفدن زهر کین آرامیمی الدن آلوب
بیر طرفدنده غم غربت منی دلدن سالوب
انتظارم بار الها گوزلریم یولدا قالوب
طاقت دل نور چشم خونفشانیم گلمدی
.
.
بئله وقتیمده یانیمدا نه باجیم معصومه وار
نه قزیم نه محرمیم واردورنه یار و غمگسار
گوزلورم جان اوسته من بیر نوجوان گُل عُذار
نخل امّیدیم او سرو گلستانیم گلمدی
.
.
سن بولورسن گوزلریمده گوندوزوم اولموش گئجه
عمرومی غربت ولایتده باشا وئردیم نئجه
گلمدی یارب ندن اوغلوم تقی قالدی گئجه
فرقتنده باغری قانم ، همزبانیم گلمدی
.
.
ایستورم آخر نفسده بوینوما بیر قول سالا
منله بیر همراز اولا تا دردیمی دلدن آلا
قویما یولّاردا گوزم بو حسرتیم دلده قالا
ذکریم اولسون محرم راز نهانیم گلمدی
.
.
سن خدا آگاه سن بو زهریده وار نه اثر
اود دوتوب یاندی وجودیم ناتوانم سربسر
اوغلومون هجری اونی یاددان چخاتدی مختصر
قویدی جان اوسته منی تابو توانیم گلمدی
.
.
اللریم قالموش اورک باشندا توپراقدا یوزوم
باشیم اوسته آختارور بیر مهربان یارب گوزوم
اوغلوما واردور دیماقه قلبده نچه سوزوم
قورخورام قالسین اؤرکده مهربانیم گلمدی
.
.
بیر کسیم یوخ حالیمی باری رعایت ایلسون
باشیمی آلسون دیز اوسته دفع محنت ایلسون
ایستورم اوغلوم گلوب قرآن تلاوت ایلسون
منتظر قویدی منی اول خوش زبانیم گلمدی
.
.
جان وئرنده باشون اوسته سن ایا شمس شموس
گوز آچوب گوردون دوروب اوغلون ایدور آه و فسوس
لیک جدّون جان وئرن وقتینده ای سلطان طوس
ذکر ایدردی زینب بی خانمانیم گلمدی
.
.
باجیسی احساس ایدوب تا قارداشین احوالینی
گلدی میدانه اؤزی یاددان چیخاتدی حالینی
تاپدی قارداشین توکوب رخساره اشک آلینی
سویلدی قارداش دئمه بیر مهربانیم گلمدی
.
.
گوزلرین قربانی باخما حسرتیله صاق صولا
گلدی زینب باشون اوسته آغلیا زلفون یولا
خجلتیم وار من سنی رزمه سوسوز سالدیم یولا
نیلییدیم من سووا قارداش گمانیم گلمدی
.
.
تیر حسرت بسکه قلب صاف «عاصینی» دَلور
گوز یاشی علّت اودور غربال چشمیندن اَلور
قبریوه هی متّصل زوّاردور شاها گَلور
یا حسین بیرجه دئمورسن نوحه خوانیم گلمدی
.
.
#سبک_زینبم_جان_اوستیم … 4 سبک
.
.
.
#رضویه_شهادت
#ای_خدا_جان_اوستیم_آرام_جانیم_گلمدی
#عاصی_تبریزی
#ترکی
.
✍️ #زبدةالاشعار ✍️
.
?: @nohe_torki
نظر دهید