ای داغلیان شرار غمه قلب زاریمی #فاطمیه_رمضانی_خاکی

زبانحال حضرت علی (ع)
.
.
✍️ زبدة الاشعار ✍️
.
🆔: @nohe_torki
.
#رمضانی_خاکی
.
ای داغلیان شرار غمه قلب زاریمی
الدن فراقون آلدی منیم اختیاریمی
.
قالام اولونجه خوش گونه حسرت مدینه ده
هجرون منیم قرا ائلیوب روزگاریمی
.
ظاهرده من سنی، باطنده فاطمه
خاک سیاهه دفن ائلدیم اقتداریمی
.
گلمور بلیم ایاقه دوروب منزله گدم
پنهان ائدیم نجه محن آشکاریمی
.
دوشدی یاخام نجه گور غصه چنگینه
دور گور نجه بلالر آلوبدی کناریمی
.
بو غصه اولدورر، سنه قازدیم اوزوم مزار
سندن قاباق قازیدیله ای کاش مزاریمی
.
سندن صورا کیمه دنیاده فخر ائدر علی
الدن آلوبدی چرخ زمان افتخاریمی
.
سندن صورا جهاندا الیمدن دوتان هانی
الدن نه جرمه آلدی عدو خسته یاریمی
.
چیخدی الیم بوشا بوگجه دارفانیده
وئردیم بقیعده تپراقا دار و نداریمی
.
ای قلبیدن قرارین آلان سیلی ضربه سی
دفن اولماقون گجیله، آلوبدی قراریمی
.
ای ایسلادان کفنین سینه سینون القانی
اشک غم ایسلادوبدی بوسولموش عذاریمی
.
قاپی دالیندا قابیرقون سینان زمان زهرا
سیندیردی ناکس عمر منیمده وقاریمی
.
قانا بجادی دونه گوزلریمده گوزیاشی
شکار ائدوبله ظلمله چون غمگساریمی
.
عفو ایله باغلیوبدی پیمبر سفارشی
دارفناده بو ید دشمن شکاریمی
.
سیلی دگنده سنه، صد حیف چکمدیم
مرحملری دونیم ائلین ذوالفقاریمی
.
بیرده چتیندی شادلیقا میلیم اولا خانیم
وئرم غمیله من باشا لیل و نهاریمی
.
#فاطمیه_شهادت
#ای_داغلیان_شرار_غمه_قلب_زاریمی
#ترکی
.
✍️ #زبدةالاشعار ✍️
.
🆔: @nohe_torki