ای دلیل خلقت عالم خانم یا فاطمه #فاطمیه_ولایی_زنجانی

در مدح حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
سید ناصر ولایی زنجانی
.
ای دلیل خلقت عالم خانم یا فاطمه
تاپدی سندن عزّتین آدم خانم یا فاطمه
.
.
ایلینده ربّ اعلائیله سن راز و نیاز
مُهرودی یر صفحه ی عالم سنینچون جانماز
یوز قویاندا تپراقا تپراق اولاردی سرفراز
گللر ایچره هانسی گل اولدی سنون تک عمری آز
چکمیسن آز عمریده چوخ غم خانم یا فاطمه
.
.
آدمه سنسن آنا امّ ابیها شهرتین
فاطمه یعنی اوزاق اوتدان ائدن اوز امّتین
اولسا محشر گورسنر واردی نقدری عزّتین
آدمی مسجود ائدن اولدی سنین حیثییّتین
نور چشم حضرت خاتم خانم یا فاطمه
.
.
اولماسیدی مرتضی اولمازدی بیر همتا سنه
هر گوزلّیق واردی وئردی خالق یکتا سنه
زهره دن آرتیق ایشیقلیق چاتدی یازهرا سنه
چوخ کیچیک اولدی دریغا بو بویوک دنیا سنه
ای ولیّ اعظمه همدم خانم یا فاطمه
.
.
سیرتین چوخ چوخ گوزلدی صورتین پر نوردی
سن ملک مسجودسان خادم سنینچون حوردی
چوخ کیچیک خشتی ائوین واقع ده کوه طور دی
درگهینده خدمته روح القدس مأموردی
قلّه ی عشقه ویران پرچم خانم یا فاطمه
.
.
ایستیوب اَلله که لطفی هامّیا محسوس اولا
سیزلری خلق ایلیوب تا رحمتی ملموس اولا
درگهیزدن اولمادی بیر کس گلوب مأیوس اولا
بیلمدی اهل مدینه قدریزی افسوس اولا
عرض عجز ایلر سیزه حاتم خانم یا فاطمه
.
.
.
#فاطمیه_مدح
#ای_دلیل_خلقت_عالم_خانم_یافاطمه
#ولایی_زنجانی
#ترکی
.
✍️ #زبدةالاشعار✍️
.
🆔: @nohe_torki