زبدةالاشعار

ای دل بیچاره دینن یا علی #حیدریه

دینن یا علی …
.
✍️ زبدة الاشعار ✍️

?: @nohe_torki
.
مرتضی اسکندری«ساعد»
.
ای دل بیچاره دینن یا علی
قالما چوخ آواره دینن یاعلی
گل قوشول انصاره دینن یاعلی
باخ کرم یاره دینن یا علی
اهل ولانون اودی سردسته سی
عرشه ستوندور ایکی گلدسته سی
.
.
.
.
کیمدور علی مظهر آیات حق
آینه ی کامل ربُّ الفلق
سائل درباری هامی ماخلق
مدحتینی یازسا قلم مین ورق
آند اولا زهراخانمون جانینه
چاتماز الی ریشه ی ایمانینه
.
.
.
.
کیمدور علی خالقون آئینه سی
قبله جاندور دل بی کینه سی
مخزن الاسرار مگو، سینه سی
آدم ونوح عاشق دیرینه سی
آند اولا ناحق توکولن قانلارا
حرمتی واجبدی مسلمانلارا
.
.
.
.
کیمدور علی جن و ملک رهبری
قوزادی بیر الی در خیبری
اسدی سپاه ستمون دیزلری
اوپدی ملک لر او قوی اللری
صاحب جود و کرم و فضلیدی
خورداجا شاگردی ابالفضلیدی
.
.
.
.
تیغینه هاردا الین آتدی آقام
معرکه میداندا یاراتدی آقام
ملتی غفلتدن اویاتدی آقام
پرچم اسلامی اوجاتدی آقام
هاردا که احساس خطر ایله دی
سینه سینی دینه سپر ایله دی
.
.
.
.
شیعه گرک عاقل و بیداراولا
حق دانشوب حقه طرفدار اولا
دشمن دینون گوزونه خوار اولا
جبهه ی اسلامه علمدار اولا
دهریده کیم تابع قرآن اولار
رتبه تاپوب حضرت سلمان اولار
.
.
.
.
کیمدور علی ذات پیمبر بیلر
میثم و مقداد و ابوذر بیلر
زردور علی قدرینی زرگر بیلر
سینه ی صدیقه اطهر بیلر
حیدری گیت فاطمه دن آل خبر
نیله دی گور سینه سینی میخ در
.
.
.
.
فاطمه جان ویردی ولایت قالا
نور علی نور هدایت قالا
سنت پیغمبر رحمت قالا
دین قالا قرآن قالا حکمت قالا
فاطمه دن درسین آلوب شیعه لر
راه ولایتده گیدوب جان ویرر
.
.
#حیدریه_مدح
#ای_دل_بیچاره_دینن_یاعلی
#ساعد_زنجانی
#ترکی
.
✍️ #زبدةالاشعار ✍️

متن پیشنهادی:  چاتموش یارالی سینه ده اوخ باش باشا قارداش #عباسیه_ذهنی_زاده

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی