ای دل لیلا توانی کوکب اقبال اوغول #اکبریه_هوشی_تبریزی

در وداع حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
مرحوم غلامعلی باقری الهام ( هوشی تبریزی)
.
ای دل لیلا توانی کوکب اقبال اوغول
گیت بویانسون قانه بو رخسار و خطّ و خال اوغول
.
.
عازم کوی وفاسن باشدا مین شورون سنون
وصل یاره یتماقا وار دلده منظورون سنون
باخما لیلایه اولار عمرونده مهجورون سنون
گیت یتیش مقصوده ائت جانانیوی خوشحال اوغول
.
.
ایرمی سگّیز ایلده چکدیم زحمتون شام و سحر
بسلدیم سن تک اوغول ای باغ طاهادن ثمر
شکر لِلَّه گئتمدی بو چکدیقیم زحمت هدر
یاخشی طرزیله عجب گلدی اله آمال اوغول
.
.
بیله بیر وقتی ایدردیم من ازلدن آرزو
یتدیم ایمدی آرزومه ای گل خوشرنگ وبو
ایلرم سن قانه باتسان منده اخذ آبرو
قویما بو آمالی ناقص قوی تاپا اکمال اوغول
.
.
پای بست عشقسن اول مایل دیدار یار
محضر جانانیده گیت عشقون ایله آشکار
من یانوم شمع فراقوندا سنون پروانه وار
تا الف تک قدّیم اولسون بار غمدن دال اوغول
.
.
حُسن رویون خلق ایدوب خلّاق داور بی عدیل
طلعت رخسارین ایلر ماه کنعانی خجیل
نه دوغوب سن تک اوغول هاجر نه ایلوبدور خلیل
فدیۀ جانان سنون تک خوش خط و خوش خال اوغول
.
.
سینوی تیغ و خدنگه شوقیله آماج ایله
لیلی بی خانمانین طاقتین تاراج ایله
سنده عرش نیزیه جدّون کیمی معراج ایله
اوخدان آچ اوج ایتماقا نوک جدایه بال اوغول
.
.
ای قد نورسته سی سرو گلستان وفا
تربت پاکی اولان عالمده هر درده دوا
«هوشیه» ایسته خدادن بیر برات کربلا
قبرون ایلر آرزو هر روز ماه و سال اوغول
.
.
#اکبریه_هوشی_تبریزی
#اکبریه_شهادت
#ای_دل_لیلا_توانی_کوکب_اقبال_اوغول
#ترکی
.
✍️ #زبدةالاشعار ✍️
.
🆔: @nohe_torki