زبدةالاشعار

ای دل مواظب اول که مشقت قاباقدادی

پندیات
.
✍️ زبدة الاشعار ✍️

?: @nohe_torki
.
عُلیَوی
.
ای دل مواظب اول که مشقت قاباقدادی
ترک ائت گناهی وقت عقوبت قاباقدادی
.
مینسون سمند ملکته میدان عمریده
چوخ تند گتمه روز قیامت قاباقدادی
.
دائم یاتاندا یادیوه سال جان وئرن چاغین
توبه ائله که لحظه رحلت قاباقدادی
.
خلوتده یاده سال او قرانلوق مزاریوی
یالوار خدایه چون شب وحشت قاباقدادی
.
ئولجک بیری دیوله خلاص اولدی غصه دن
بیلموله مجرم اولسا مصیبت قاباقدادی
.
فکر ایلمه خلاص ائدجک ثروتون سنی
اوز دوتماسون خدایه فلاکت قاباقدادی
.
شاید بوگون گناه ائلسونده بیلینمیه
اسراری فاش ائدن دم حسرت قاباقدادی
.
بعضی گناهی فخر بیلولّر زمانه ده
آللانمیاخ که اصل قضاوت قاباقدادی
.
دوشمز نمازه دورماسون الآن هچ اتفاق
اما عذاب و آتش و محنت قاباقدادی
.
شاید ضعیفه ظلم ائلسون ایندی دینمیه
آماده اول که روز شکایت قاباقدادی
.
دنیا مقامی کسب ائلمک که هنر دگول
الله وئرن مدارج و رتبت قاباقدادی
.
مؤمنلره باخوب دئمه مظلوم اولوبدیلار
باغ و بهشت و حوری و جنّت قاباقدادی
.
خالق ئوزی قدحلرینه دولدیرار شراب
مُؤمنلره سُرور و مسرت قاباقدادی
.
ای حقّی آختاران عجله ائتمه صبر ائله
فتح الفتوح و عزّت و شوکت قاباقدادی
.
مهدی آقام گلوب ویراجاق عالمه علم
اول منتظر بو حکمه حکومت قاباقدادی
.
چوخ مرحبا و احسنه آللانما (عُلیَوی)
مخلص حسینچی اول که شفاعت قاباقدادی

متن پیشنهادی:  دگر چه باغ و درختی بهار اگر برود #خروج_مدینه_مودب

.
#پندیات
#ای_دل_مواظب_اول_که_مشقت_قاباقدادی
#علیوی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی